Shillong, K’Lyngkot 08: Ka Meghalaya Congress ka la ioh pdiang ïa palat 70 tylli ki aplikeshon na ki kyrtong kiba kwah iakhun naka ticket jong ka Congress haka elekshon MDC ka Garo Hills Autonomous District Council (GHADC) 2026.
Haba kren sha ki lad pathai khubor u President ka Meghalaya Pradesh Congress Committee (MPCC) Bah Vincent H Pala u la pynpaw baka Party ka long kaba la pynkhreh ban iakhun ha kane ka elekshon GHADC.
“Na ka bynta ka ilekshon MDC GHADC, ngi la khot aplikeshon naduh ki bnai bala dep. Kumba 70 ngut ki kyrtong kiba kwah ticket naka Congress ki la wan shakhmat ban thep kyrteng, bad ngi hap ban rai halor kane ka kam” ong u Bah Pala.
U Bah Pala u la pyntip ruh ba ka Party kan sa shim rai halor ka ticket ynda la pynbna ïa ka tarik ban pynlong ia ka elekshon.
“Kumba ju long, shisien ba la pynbna ia ka tarik elekshon, ngi ruh ngin sa pynbna ia ki kyrtong jong ngi. Ngi la dep ban leh lut ïa baroh ki jingpynkhreh naka bynta ka elekshon” u la ong.
 2026.){kind=link}