Shillong, Risaw 10: U Nongialam ka Liang Pyrshah Mukul Sangma ha ka sngi thohdieng ula kyntait ia ki khubor ba katto katne ki MDC ka seng TMC ki thmu ban phet seng noh hashwa ban long ka elekshon MDC jong ka Garo Hills Autonomous District Council (GHADC).
Ha kaba iadei bad katei ka jingsaphriang ki khubor ban phet seng noh ki MDC, u Mukul ula ong “Ai ba ngan ym long u bym burom ia kitei ki nongialam. Ki don katto katne ki briew ki bym don ia jingiai shah”.
Ula pynpaw ia ka jingkongsan ban don ia ka jingshai kdar bad ia ki buit treikam ha ka politik bad ka jingleh bad ka jingshim ia ki rai ka pynsaphriang ia a khubor sha kiba bun.
Ula pynapw ia ka jingdonkam ban don ia ka jingshaniah kaba mar kylliang bad ka jingburom lang hapoh ka seng bad ki nongialam kidei ban iatreilang ban ia pynbeit lang.
Ula maham pyrshah ia ka jingbishar ia ka jingshim rai jong kiwei pat bad ka ong, “Lada don ki briew ki bym lah ban iai shah ne ki bym kwah ban iakhun ia ki jingtynjuh kumta ai ba kin pyndonkam ia la ka jingstad bad ai ba kin pyndonkam ia la ka jingstad namar ba kidei ki nongialam kiba la shah jied ha u paidbah”.
Ula pynapw ia ka jingskhem jingmut halor ka jingioh ia ka jingkyrshan bad u Mukul ula ong “Nga kwah ban ong ia phi kawei ba ki briew kiba pyrkhat kumjuh, ki briew kiba donlang ia ka juh ka jingthmu ban pynbeit bad nga, nga tharai nga don bun ngut ki briew kiab don ryngkat lang bad nga”.
“Lada u Dr. Mukul Sangma u long uba jar jar bad kumta kila don ki briew kiba la duh jingkyrmen noh, kumta kan shong ha ki ba kin pyndonkam ia la ka jingstad bad ban pynwnadur noh ia la ka lynti iaid kaba nangne shakhmat” ula ong.
.){kind=link}