Guwahati, Lber 20: Ka Bharatiya Janta Party (BJP) ha ka sngi Palei ka la pynbna ia ki kyrtong na ka bynta ki 88 tylli ki constituency katba ka AGP ka la pynbna 26 ngut ki kyrtong ki ban mih airing ha ka elekshon sha ka iing dorbar thawain ka Jylla, kaban long shen.
Katkum ki political analyst, ha ka AGP 13 ngut na ki 26 ngut ki kyrtong ki dei Bengali muslim katba ha ka BJP ki don napdeng ki kyrtong kiba dei na ki seng pyrshah kiba la ioh tiket hadien ba ki la phet sha ka BJP. Napdeng kine ki kynthup ia u Pradyut Bordoloi bad u Bhupen Borah.
“Ka AGP kaba dei ka seng riewlum jong ka jylla Assam bad la thaw ia ka halor ka jingthmu jong ka Assamese hadien ka jingkhihwin jong ka Assam hynrei mynta la iohi ba ka seng ka la pynieng 13 ngut ki kyrtong kiba dei na Bengali muslim.Ka seng ka don ia ki jingiapynbeit bad ka tynrai jong ka jinglong seng riewlum jong ki Assamese,” la ong u Rupak Politicalist anylist.
U la ong, “Ym duna ia ka 30 ngut ki kyrtong, kumba 35 percent, ki la phet sha ka BJP na ka seng Congress, AGP, bad ki kynhun riewlum kiba kham rit ha ka thain.U Bhupen Borah bad u Pradyut Bordoloi akidei kiba la phet bad pyniasoh sha ka BJP na ka party Congress,”.
Napdeng kine, ka bhah kaba heh tam ka kynthup ia ki dkhot barim jong ka Indian National Congress, ha kaba kumba 19 ngut ki kyrtong ki la leit sha ka BJP ha kine ki snem.
Kiba pawnam napdeng jong ki, ki long u Myntri Rangbah ka Jylla u Himanta Biswa Sarma, ha ryngkat ki nongialam ba rangbah kum u Jayanta Malla Baruah, u Pijush Hazarika, u Ajanta Neog, u Rupjyoti Kurmi, bad u Bhupen Borah, u Pradyut Bordoloi, nalor kiwei pat.
“Kiba bun ki nongialam ba pawnam ha ka BJP ki dei na ka Congress.Ki dei ki nongialam tynrai jong ka seng Congress hynrei ki la kylla noh sha ka BJP ha u snem 2016 hadien ba u Himanta Biswa Sarma u la pyniasoh bad ka BJP.Khlem artatien ka BJP ka la thaw ktem ha Assam hynrei kiba bun ki nongialam ki wan na ka seng Congress,” la ong uwei u nongpeit pyrman ha ka sain pyrthei.
 ha ka sngi Palei ka la pynbna ia ki kyrtong na ka bynta ki 88 tylli ki constituency katba ka AGP ka la pynbna 26 ngut ki kyrtong ki ban mih airing ha ka elekshon sha ka iing dorbar thawain ka Jylla, kaban long shen.){kind=link}