Shillong, Nailar 25 : Baroh ki ticket jong ka jingialehkai semi-final ka Durand Cup hapdeng ka Shillong Lajong FC pyrshah ia ka North East United FC, kala lut lut ploin khlem sah shuh.
Ka kyrwoh na ka tnad Sports and Youth Affairs ha ka Sngi U Blei ka la ong, “Ka jingthnem ka iew die ticket ka dei kaba la sngewnguh da ka Sorkar bad baroh ki ticket mynta kila lut lut. Ki Nongkyrshan ki dei ban tip ba ym shah satia ban die pateng ia ki ticket bad lada don ba die tuh, dei ban pyntip sha ki Pulit ka Meghalaya”.
Ka la ong ba baroh ki tiket ki dei kiba don ia ki hologram ha ka ban pynthikna ba tang ki nongbat tiket ba shisha ki shah ban rung shapoh madan.
Kiba thied online ki dei ban leit shim ïa ki tiket jong ki na ka box office ha U Soso Tham Auditorium ha ka 25 tarik u Nailar haduh ka por 6 PM.
La bthah ruh ba yn ym shah ïa ki riew shimet kiba khlem tiket ba kin rung ha ki sawdong sawkun jong ka madan ïalehkai ha ka sngi Nyngkong, ka 26 tarik u Nailar hadien ka por 12baje mynsngi. Ban pynbeit ia ka jingduna jong ki jaka shong ha ka J.N. Stadium namar ka jinghap die ticket da u pud bad ban pynioh ia ka jingiohi kaba paka, ka Sorkar kala buh ia ki Fan park ha kylleng ka nongbah Shillong bad ha ki district bapher bapher.
Ka kyrwoh ka ong ba ka J.N. Ka Stadium, ka lah ban pynrung briew tang ha kumba 15,000 tylli ki jaka shong. Khnang ban pynthikna ia ka jingshngain, ban bud ia ki kyndon pyniaid phutbol ka ri, bad ki jingkular sha ki nongbei tyngka ia ka lympung ban lah pynlong ia kum kine ki jingialehkai (ka jingbuh kyrteng, ki signages kiba kah ban iohi ia ka jingialehkai), la buh thylli ia 4 tylli ki lain ba nyngkong jong ki jaka shong ha ki bynta ba Shatei /Shathie bad ki 2 tylli ki lain ba nyngkong jong ka jaka shong ha Mihngi.
Namar ka jingngiam briew baroh, ka Durand Cup Organising Committee bad ka Sorkar, kila ai jingmynjur ban ai tang khyndiat eh ki ticket kum ki complimentary ticket ban pyndep ia ki jingiakular jong ki nongbei tyngka lem bad ka Organising Committee, ha kala ki ar kynhun kiba iashimbynta-ka Shillong Lajong FC bad ka NEUFC ki la ïoh 100 tylli kum ki tiket kat kum ka jingiapynbeit.
Ha kajuh ka por, ka Sorkar kala kyrpad ia ki nongkyrshan phutbol ba kin leit sha ki Fan Park ban iakyrshan iala ka kynhun lada jia ba kim shym la thied tiket.
Kine ki fan park ki dei kiba la buh ha : 1) Madan ïalehkai Malki, Malki 2) Madan Saw, Golf Links 3) Madan-Heh Ground, Mawlai 4) Police Point Parking Lot, Laitumkhrah 5) Umpling, Mawarliang 6) Madan Daimasi, Ladthalaboh, Jowai 7) Madan Pahamsyiem, Nongpoh 8) Patharkhmah Hr. Sec. Skul, Patharkhmah 9) Madan ialehkai Nongstoin, Nongstoin Nalor kata, ia kane ka jingialehkai yn pyni ha ka DIPR Large Screens ha Police Bazaar bad ha PHC, Rynjah.
Ka sorkar Meghalaya ka shim hakhmat eh ia ka jingshngain jong ki nongpeitkai bad ka jingpynlong ia ka jingialehkai bad ka kyrpad ia ki nongshong shnong jong ka nongbah Shillong ba kin bud ryntih ia ki jingbthah ba la kdew.
, la buh thylli ia 4 tylli ki lain ba nyngkong jong ki jaka shong ha ki bynta ba Shatei /Shathie bad ki 2 tylli ki lain ba nyngkong jong ka jaka shong ha Mihngi.){kind=link}