Tura, Lber 15 : U Lat ka Jylla ula khot ia ka Dorbar Kyrpang jong ka Garo Hills Autonomous District Council (GHADC) ha ka 16 tarik Lber, hadien ka jingkyrpad ki MDC ba pynpaw ba u Chief Executive Member (CEM) ula duh ia ka jingshaniah jong ka Iingdorbar.
Kat kum ka jingpynbna bala pynmih da ka Tnad District Council Affairs (DCA) ha ka sngi Saitjain, u Lat ula ioh pdiang ia ka shithi bala soi da ki 21 ngut ki MDC ka GHADC ha ka 14 tarik Lber ba kynnoh ba u CEM Albinush R Marak, ula duh ia ka jingkyrshan jong ka Executive Council.
Haba pyntreikam ia ka bor bala pynkup ha ka Rule 36(5) jong ka Assam and Meghalaya Autonomous District (Constitution of District Council) Rules, 1951, u Lat ula bthah ban pynlong ia ka Dorbar jong ka Council ha ka por 11 baje mynstep hapoh ka Council hall ha Tura.
Ia kane ka Dorbar la khot ban pynlong ia ka jingiakren ia ka mat hapoh ka Rule 22(1) bad ban iakren ruh ia kiwei pat ki kam kiba donkam kiba long kat kum ki rule ba pyniaid ia ka Autonomous District Council.
U Lat ula aibor ruh ia u Chairman jong ka GHADC ba un pyniaid ia kane ka Dorbar kat kum ki kyndon jong ka Assam and Meghalaya Autonomous Districts (Constitution of District Councils) Rules, 1951.
 ha ka 16 tarik Lber, hadien ka jingkyrpad ki MDC ba pynpaw ba u Chief Executive Member (CEM) ula duh ia ka jingshaniah jong ka Iingdorbar.){kind=link}