Jowai, Jymmang 01: Ka Ummulong Cricket Club kala jop da 230 runs ïa ka Phramer Cricket Club haka jingïalehkai 1st semi phainal jong ka District Cricket League 2024 bala pynïaid da ka West Jaiñtia Hills District Cricket Association ha Madan Khliehtyrshi Mini stadium hyne ka sngi Balang.
Ïa ka jingkynting pisa la jop daka Ummulong kaba la la jied ban tied nyngkong bad kane ka kynhun kala lah ban kamai 326 runs naki 35 overs bad hap 6 wickets.
Ki rang ialehkai kiba kamai run bun ki long u Sylvester Mylliempdah 88 runs naka 63 ball bad u Chongtre I man Lamare uba ioh 45 run naki 30 ball.
Katba na ka liang ka Phramer kiba ïoh ban khur Wickets bun ki long u Deimiki Rabon 2 wicket naki 7 overs.
Haba wan ban beh ïa ka thong ka Phramer kala lah ban kamai tang 96 run naki 19 over bad hap lut baroh ki wicket.
Kiba kamai run khambun ki long u Pyrkhat Sari 38 run naki 37 ball, katba na ka liang ka Ummulong kiba ïoh ban khur wicket bun ki long u Pynskhem Phawa 4 wicket naki 3 overs.
Ïaka nam Man of the Match la ïoh da u Sylvester Mylliempdah jong ka Ummulong Cricket Club.
La pyntip 2nd Semi Final lashai ka sngi ka long hapdeng ka Mupliang Cricket Club pyrshah ïa ka Efty United XI Mynso.
