Shillong, Iaiong 23: Ki lehnoh kiba don kti ha ka jingthombor ba shyrkhei bha ha ka sngi sngi ba-ar ha Pahalgam, Jammu bad Kashmir, ha kaba 28 ngut ki briew kila iap bad duh ia la ka jong ka jingim ba kynthup ia u wei u bar ri, la lah ban ithuh bad tip ia ka kyrteng jong ki.
Katkum ka heh ophisar la iathuh ba ki lai ngut ki lehnoh kiba don kti ha katei ka jingthombor la tip kyrteng kum u Asif Fauji, Suleman Shah bad u Abu Talha.
Kine ki lai ngut ki lehnoh la iohi ba ki rah da lai tylli ki AK-series rifles bad ka M4 rifle ha ka por ba ki thombor. Ki tnad syntiat kila pyntikna ba kine baroh lai ngut ka jingiadei bad ka seng lehnoh na ka Pakistan ia kaba la tip kum ka Lashkar-e-Toiba, ha kaba ar ngut ki la suba ba ki lah ban dei ki bar ri ne (foreign nationals).
Kine ki lehnoh kila pyndonkam da ki kuli 7.62mm kiba la shna da ka nar, kaba pyni ia ka jingthmu kaba heh bad ka jingkhlain bor haba siat.
La iathuh ruh ba ki lehnoh ki deng ia ki camera ha ka met ka jong ki ha ka por ba ki thombor ban ring dur ia katei ka jing thombor ka jong ki.
