Shillong, Nailar 21 : Ka Meghalaya Infrastructure Development Finance Corporation (MIDFC) kala dep ithuh ia ka jaka ba 14.6 acre ha shnong Umtham ban pyntrei ia ka project Shalom Course.
Kane ka project ka dei kaba thmu ban kyntiew ia ki kam ialehkai hapoh Wah, khamtam ka Slalom, ka Conoeing bad Kayaking ha ka Wah Umtham.
“Kane kan dei ka ITS course ba tang kawei hapoh ka ri baroh kawei hadien bala pyndep pura ia ki jingtei ba donkam baroh” ong u Myntri Rangbah Conrad K Sangma dang shen haba pyntip ba ia kane ka jaka yn thied ha ka dor ba T.21 klur.
Kat kum ka RTI bala pan da ka seng RBYWO, ka MIDFC kala ithuh ia artylli ki jaka ha Umtham-kawei jong u Bah Rick Springton Kharkongor ba 14.6 acre bad kaweijong ka kong Ibitza Shangpliang ba 75.4 acre. Kala pyntip ruh ba Corporation ka thmu ban shim ia ka jaka u Bah Rick Springton Kharkongor.
U President ka RBYWO Bah Ban Kharnaior ula pyntip ba ka MIDFC kala kyntait pat ban jubab ia ka jingkylli halor ka dor ka mur jong ka jaka bala iapynbeit bad ki trai jaka.
Ula ong ba dei halor ka jingpynbna u Myntri Rangbah ban thied ia ka jaka ha ka dor ba T.21 klur, ba ka Seng kala pyrshah ban buh jingkylli ia ka Sorkar namar la buh hehdor palat liam ia ka jaka.
Halor ka jingpynshai ka MIDC, une u Nongialam ka RBYWO ula ong ba ka MIDC ka don hok ban kyntait namar ka seng kala kynthup lang ia ka MIDFC bad MIDC ha ka dorkhas sha u Myntri Rangbah namar ka jingmih kyrteng ha ki lad pathai khubor.
 kala dep ithuh ia ka jaka ba 14.6 acre ha shnong Umtham ban pyntrei ia ka project Shalom Course.){kind=link}