Shillong, Naitung 06: U Symbud Myntri Rangbah ka jylla u Bah Sniawbhalang Dhar ula ong ba ka tnad Urban Affairs bad ka Home Jail kila dep soi iaka soskular na ka bynta ban pynkynriah noh iaka Shillong District Jail sha New Shillong Township ha ka jaka kaba don 25 akar.
“Ngi la dep ban iasoi iaka jingiateh kular ban pynkynriah noh iaka Jail sha Mawkhanu, New Shillong Township. Ngin tei noh ia ka Jail kaba thymmai ha ka jaka kaba 25 akar” ong u Bah Sniawbhalang Dhar haba iakren bad ki nongthoh khubor hynne ka sngi.
Ula ong ba ia mynta ym pat lah ban tip katno kan poi ka jinglut jingsep ban tei ia ka Jail kaba thymmai namar ym pat dep ban pynkhreh iaka Detail Project Report (DPR) haduh mynta.
“Ia ka jaka jongka Jail kaba don ha Jail Road ngin sa pyndonkam noh da kaba tei iaka Commercial Complex kaban don iaka Mall bad iaka jaka pynieng kali” ong u Bah Sniawbhalang.
