Shillong, Lber 12: U Executive Member (EM) ba khmih iaka tnat Building ka Khasi Hills Autonomous District Council (KHADC) Bah Teibor Pathaw ula pyntip ba haduh mynta ka tnat kala ai haduh 263 tylli ki jingbit (permission) ban tei iing hapoh u pud u sam jong ka.
Haba jubab iaka jingkylli bala wanrah da u Nongialam ka Liangpyrshah Bah Titosstarwell Chyne, u Bah Teibor ula pyntip ruh ba ki don sa 174 tylli ki aplikeshon ba pan jingbit ban tei iing baka tnat kam pat ai jingmynjur.
U Bah Teibor ula iathuh ba ka tnat ka don daka Committee jong ki Engineer bad kiwei stad ki jhad ban bishar bniah iaki aplikeshon ba pan jingbit ban tei iing bad ula pyntip ruh ba ka tnat ka shim jingiarap na kiwei ki stad na bar jylla haba iadei bad ka jingbishar bniah iaki aplikeshon bad iaki design jong ki iing kiba kham heh.
“Nalor ki 263 tylli ki jingbit (permission) ba la dep ai ban tei iing, ka tnat ka dang bishar bniah sa iaki 174 tylli ki aplikeshon bad iaki design ka ba ka tnat kala ioh pdiang ha u snem 2022-2024” ong u Bah Teibor.
Haba shim bynta haka jingkylli, u MDC ka Mylliem u Bah Ronnie V Lyngdoh u la ai jingmut iaka Executive Committee (EC) bad iaka tnat ba kam dei ban ai jingbit (permission) ban tei iing haki jaka marjan ki Wah.
Haba jubab, u Bah Teibor u la ong “Ka tnat ka bud ryntih iaka hukum bala pynmih daka Meghalaya High Court kata ban nym shah ban tei ia ki jait jingtei marjan ki wah bad naka liang ka tnat nangne shakhmat kan peitngor bad kan pyrkhing bha ban pynthikna ba ki nongshong shnong kim dei ban kyntur pud ha jan ki wah daka ba tei ing”.
 ba khmih iaka tnat Building ka Khasi Hills Autonomous District Council (KHADC) Bah Teibor Pathaw ula pyntip ba haduh mynta ka tnat kala ai haduh 263 tylli ki jingbit (permission) ban tei iing hapoh u pud u sam jong ka.){kind=link}