Shillong, Jylliew 04 : U Nongkhaii bar jylla ba kyrteng u A Laskar u dei u briew uba kynnoh donkti ia u Synshar Khymdeit ba na Mawhati, ba u dei u Area Collector ba sam shithi dawa pisa bad lum pisa ha ka kyrteng ka Hynniewtrep National Liberation Council (HNLC).
Dang shen ka HNLC ruh kala kyntait ia ka jingdonkti jong une u samla da kaba ong ba ki briew ba shun ia ka seng, kila pyndonkam ia ka kyrteng Synshar na ka bynta ka jingmyntoi shimet.
Kane ka jingkynoh ia u SYnshar kala mih pyrthei biang hadien ka jingpoi jong kawei ka shithi ba la phah sha u President ka Shillong Press Club ha ka 17 tarik Iaiong, 2025.
Hadien ka jingkyntait jong ka HNLC ia ka jingdonkti u Synshar Khymdeit, ki lad pathai khubor kila pynlong ia ka jingtohkit kaba bniah ia ka thymmei jong kane ka shithi bad la shem ba u nongphah u don ia ka jingthmu kaba sniew ban pynjah burom ia u Synshar.
Ha ka shithi, u briew bala pynithuh ialade kum u A.Laskar, u nongkhaii ba don dukan ha Khyndailad, ula kubur ba ula shong kurim ia kawei ka kynthei Khasi.
U Laskar ula pynpaw ruh ba ula ioh pdiang ia ka shithi dawa na ki arngut ki nonglum pisa ka HNLC-u Synshar Khymdeit bad u Wallamjingsuk Barik myn ha ka 28 tarik Kyllalyngkot 2022 ba dawa ia u ban siew T4.40 lak kum ka khajna.
Kane kam dei ka sien kaba nyngkong ba u Synshar Khymdeit ula shah kynnoh ha kum kane ka kam. Ha u 2023, ula shah kynnoh kumjuh bad ula hap ban mih ban iakren bad ki lad pathai khubor ban pynshai ba u shu shah kynnoh thok ia kiei kiei baroh.
.){kind=link}