Shillong, Jylliew 26 : Ki shipai Border Security Force (BSF) kila pynshai ba ka jingsiat ktang suloi sha suin hynnin ka miet ha Lad Umsyiem ka dei kaba la leh ban pyntieng ia ka kynhun ki nongkhaii be-ain, kiba la kawang maw bad bitor thylli sha ki shipai BSF kiba la pynpulom ia ka jingthmu ban khaii tuh ia ki jain sha Bangladesh.
La iathuh ba ha kane ka jingjia, arngut ki shipai BSF kila mynsaw na ka jingshah lun maw bad lun bitor ha kine ki riew runar.
Kat kum ka kyrwoh, ki shipai BSF kiba ieng pahara ha Standing Patrol Base, Umsyiem Rim, kila iohi ia ka jingiaid ki runar ha surok Dawki-Pynursla kaba don marjan ka khappud. La ong ba ki BSF haba iohi ia kane, kila mareh ban khang lynti ia kine ki runar kila bret iala ki tiar ki tar bad her krad lailum laiwah.
La iathuh ba ki shipai BSF kila pynlong ia ka jingkhynra ha kane ka jaka bad ioh ban kurup ia bun bah ki saree kiba shongdor haduh T. 50,000.
La iathuh ba ha kane ka juh ka sngi, ki shipai BSF kila pynpulom ruh sa ia kawei ka jingthmu khaii tuh ia ki jain kiba shong dor haduh T. 2,21.000 na kane ka juh ka jaka khappud.
“Hadien katto katne por, ki runar kila wan ialum paidbah hajan kane ka jaka pahaea bad kila rung sha kane ka jaka ba don ki shipai bad ther naphang da ki maw bad ki bilor beer ba thylli sha ki shipai. U Post Commander ula pyrshang ban iakren bad kine ki runar hynrei kim shym la sangeh satia ia ka jingther maw bad bilor. 2 ngut ki shipai BSF kila mynsaw jur. Haba iohi ba ka jingim ki shipai ka don hapdeng ka jingma, ki shipai BSF kila siat haduh 4 kuli sa suin ban pyntieng ia kine ki runar” ong ki BSF.
La pyntip ba mar kumne hi la pyntip sha ki Pulit ka Pynursla Police Station bad ki Pulit ruh kila wan poi sha kane ka jaka bad kila lah ban pynjai jai ia kine ki briew.
U PRO ki shipai BSF u pyntip ba ha ka 5 tarik Jylliew, kum kane ka jingjia kala jia ha kane ka juh ka thain haba ki shipai BSF kila kurup ia ki jain ba shongdor palat T. 1 lak. Ha kane ka jingjia ruh, ki runar kila lun maw ia ki shipai ha kaba uwei u shipai ula mynsaw na ki bynta jongka khlieh.
Pule ruh: Ioh ka KHADC ia ka song T. 12.37 klur kum ka bhah khajna na ki kali
 kila pynshai ba ka jingsiat ktang suloi sha suin hynnin ka miet ha Lad Umsyiem ka dei kaba la leh ban pyntieng ia ka kynhun ki nongkhaii be-ain, kiba la kawang maw bad bitor thylli sha ki shipai BSF kiba la pynpulom ia ka jingthmu ban khaii tuh ia ki jain sha Bangladesh.){kind=link}