Shillong, K’lyngkot 18 : Uwei u Nongtrei kam bhalang, Cherian G Momin, ula dawa ia u Block Development Officer ka Demdema C&RD Block ban set shuwa iaka bill bai tiar ka MGNREGA jong ki Village Employment Council (VEC) kiba don hapdeng ka jingtohkit ba pyndonkam bakla ia ka pisa.
Ha ka shithi bala phah sha u BDO, u Momin ula kdew ia ka jingtohkit na Jylla halor ki jingkynnoh ba don ka jingpyndonkam bakla ia ka pisa ka MGNREGA ha ki 15 tylli ki VEC ba hap hapoh ka Demdema C&RD Block, kat kum ka hukum bala pynmih da u Mission Director, State Rural Employment Society (SRES), Meghalaya ha ka 24 tarik Naiwieng, 2025.
U Momin ula pynpaw ia ka jingsngewkhia ba ka jingpyniaid ia ki kam bad jingpynlait iaka pisa bai tiar jong ki VEC ba don ha ka jingtohkit ka lah ban ktah ia ka jingtohkit bad buh ia ka song pisa u paidbah ha ka jingma ba lah ban nym ioh shuh.
“Ka jingpynsangeh ia ka jingsiew pisa hapdeng ka jingtohkit kan pynthikna ia ka jingtreikam ba shai, ba don jingkitkhlieh bad ka jingshaniah ia ka jingtohkit” ong u Momin ha ka shithi.
 kiba don hapdeng ka jingtohkit ba pyndonkam bakla ia ka pisa.){kind=link}