Tura, Nailur 12: Bun tylli ki sengbhalang na thain Chokpot, South Garo Hills kiba kynthup ia ka FKGJP, AHAM, GSMC bad AYWO kila ai da ka jingujor ha u Deputy Commissioner ka South Garo Hills district ba dawa ba dei ban pynsangeh shi syndon ia ki par maw be-ain kiba don ha Chokpot Baduragre.
Kine ki sengbhalang kila ai ia ka jingujor ha ka 21 tarik u Nailur 2023 ha u Deputy Commissioner ka South Garo Hills.
Ha katei ka jingujor kila kdew ba u Alpha Marak u kontraktor u bym dei na ka thain Chokpot ula tih maw be-ain ha Chokpot Badugre da kaba shna thok ia ki kot ki sla jong u Nokma bad kiwei kiwei na ka bynta ka jingmyntoi shimet.
Kitei ki sengbhalang kila pynpaw ba ha 14 tarik u Lber 2023 ki nongshong shnong ryngkat bad ka GGO kila pynlong ia ka jingialang paidbah ban pyrshah ia u kontraktor ba udei ban sangeh shi syndon ia ka jingtih maw be-ain ha Chokpot Badugre, hynrei une u kontraktor ula bteng beit ban trei bad ban tih maw da kaba pyndonkam ia ki kot ki sla kiba thok.
Ki sengbhalang kila ong, lada u kontraktor u bteng ban tih maw be-ain, kumta kin sa shim noh da kiwei pat ki sienjam.
