Dawa ki nongtrei Midday meal naka sorkar ban ai shuti haki por armet bad shitom

Date:

Share post:

Nongpoh, Naitung 29: Ka kynhun ki nongshet ja Midday meal jong ka Union Cook Cum Helper PM Porshan Meghalaya, kila rai ban dawa na ka Sorkar Jylla ba kan ai shuti ia ki nongtrei Midday Meal ha ki por ba ki armet bad shitom.

Ia kane ka rai la shim ha ka jingialang CEC kaba long ha ka sngi saitjain haba pynpaw ia ka jingsngewnguh ia u Myntri Rangbah ka Jylla Conrad K Sangma halor ka jingshimkhia jong u ia ka jingdawa kyntiew noh ia ka bai bylla jong ki nongshet ja Midday Meal bad ka jingpyllait lut ia ka pisa kaba dei hoh ba kin ioh jong u snem 2022.

Haba iakren bad ki lad pathai khubor, ka President Kong Banalis Syiem kala pyntip ba ki nongshet ja Midday Meal kila ioh mynta ia ka jingsiew kaba long T.1100 da ka jingshimkhia jong u Myntri Rangbah ka Jylla ia ka jingud jingnam jong ki nongshet ja Midday Meal.

U Bah KL Pariat, Nongseng bad Adviser ka Union Cook cum Helper, PM Poshan, Meghalaya, u iathuh ba ka jingpynlong ïa kane ka jingïalang Jong ka kynhun ka long ban pynpaw ïaka jingsngew nguh ïaka jinglah Jong u Myntri Rangbah ka Jylla ban pynurlong ïaka jing angnud kong ki Nongtrei Midday Meal.

U la ïathuh ruh ba kane ka kynhun jong ki Longkmie ka donkam shisha ïaka jingithuh kaba kyrpang khnang ba kan nym don kano kano ka jingmat ïaki jingeh jong kine ki Longkmie kiba dei ki nongtrei jong ka midday meal.

U Bah Pariat u la kyntu ïaka sorkar ba kine ki Nongtrei Midday meal ki la dei ban don ruh ka shuti khnang ba kin ïoh ban shong jah thait ha ïing ha ki por ba ki shitom lane ha kipor ïoh khyllung, namar Kum ba long mynta kim ïoh ïa kano kano ka shuti bad ki hap ban beh trei wat haka por ba ki don haka jingshitom jong ka met lane ha kipor ba ki pun khyllung.

Pule ruh: Pynbna khusnam song pisa ka Tnad Pulit ia ki Pulit ba iakhun ia ki paidbhur ha Tura

Share post:

spot_img

Popular

More like this
Related

Shah pynkup burom u Prof David R Syiemlieh da ka Padma Shri Award

Shillong, Iaiong 28 : U Prof David R Syiemlieh...

Pyntip u SP bym don nong Pakistan ba sah ha Shillong ne EKH

Shillong, Iaiong 28 : U Superintendent of Police ka...

Dawa ka COMSO ban thung jingtohkit halor ka jingkynnoh bamsap na ka skhim MGNREGA

Shillong, Iaiong 28: Ka Confederation of Meghalaya Social Organisations...

Pyrshah jur ki samla pule ka NEHU ba phah Pulit sha phyllaw ka skulbah

Shillong, Iaiong 28 : Ki samla pule ka North...