Shillong, Nailar 11 : Ki nongtrei 108 hapoh ka lama Meghalaya EMRI Workers’ Union (MEMRIWU) kila phah da ka jingthoh sha u Mission Director ka National Health Mission (NHM) Ramakrishna Chitturi, ba phah tuklar mardor halor ka jingslem ban pynkiew ia ka tulop.
Kane ka kynhun kala pynpaw ia ka jingeh kaba la mad da ki nongtrei ha kaban pyndap pynbiang iala ka iing ka sem namar ka jingkiew dor ki marbam mardih.
Katkum ka shithi, la pynpaw ba kala don ka jingiakren ha ka jingialang hapdeng ka seng bad u Mission Director ha ka 27 tarik u Jymmang 2025.
Kala ai jingmut ba dei ban don ka jingpynkiew kaba T.5,000 ia man ki nongtrei katkum ka jingioh tulop kaba mynta.
Katba kane ka kam ka dang don hapdeng ka jingkhmih bniah, ki nongtrei kila ioh jingtip ba ka pisa kala don pahuh na ka bynta ban pynkiew ia ka tulop.
“Kumba la iakren kham hashwa ban ai sa mar T.5000 kan dei kaba la khmih bniah la kan long kaba lah ne ka bym lah, na ka liang ka seng kala buddien ia kane ka mat bad kala ioh jingtip ba kala don bun ka pisa na ka bynta ban kyntiew. Namar ka jinglut jingsep kala kiew bad remdor kumta ka long kaba eh ban pyndap pynbiang ia ki jingdonkam kiba man la ka sngi” pynpaw ka union ha ka shithi.
“Ngi kyrpad ia phi ban sngewbha ban shim ia ki sienjam bad leh eiei noh mardor halor katei ka mat kaba la kdew haneng khnang ba ngin lah ban pyndap ia ki jingdonkam” pynpaw ka Union haba bynrap, “Ngi dang ap ban ioh ia ka rai kaba pura bad ka jingai jingmynjur”.
 kila phah da ka jingthoh sha u Mission Director ka National Health Mission (NHM) Ramakrishna Chitturi, ba phah tuklar mardor halor ka jingslem ban pynkiew ia ka tulop.){kind=link}