Dawa ki Nongniah Taxi ia ka DC ban pynsangeh ia ka hukum pyntreikam ia ka odd-even number ia ki kali kamai

Shillong, Jylliew 02: Ki nongniah kali kamai hynne ka sngi Thohdieng, kila dawa ia ka Deputy Commissioner ka East Khasi Hills ban weng mardor ia ka hukum ban pyntreikam noh da ka odd-even number ia ki kali kamai ha nongbah shillong ban pynduna ia ka jingkhapngiah ki surok ka nongbah.

Kane kala mih tang shi sngi hadien ba ka Deputy Commissioner (DC)kala pynmih iaka hukum ban pyntreikam da ka Odd/Even ia baroh ki kali kamai naduh ki Bos Saw (SPTS), ki Maxi Cab bad ki taxi kiba kamai lyngba ka thain Khyndai Lad shaduh Motphran.

Kane ka jingdawa kala mih na ka Synjuk ki Nongniah taxi ka sor bad khapsor ka Shillong kaba long hynne ka sngi ha Madan Malki.

Haba kren ha kane ka sngi u Adviser ka Synjuk u bah S.S Kharkongor ula ong ba kane ka hukum ba pynmih ka DC ka long pyrshah iaki nongniah ki kiba kamai daka ba niah kali namar kane ka hukum ka khanglad iaki ban kamai naka bynta ban pynnbit pynbiang ha iing ha sem.

U bah Kharkongor ula ong ba baroh ki nongniah taksi ki siew lut ia baroh ki jait khajna baka sorkar jylla ka pan hynrei kane ka hukum ka ka long kumba ka sorkar ka kwah ban knieh iaka pliang ja ki paradoh parasnam ba kamai pisa daka niah taksi.

“Kim dei ki taksi ba pynkhap niah iaki surok ha nongbah Shillong hynrei kadei ki kali riew shimet, ki kali tourist na Assam bad dei namar kane ngi pyrshah jur ia kane” la ong u bah Kharkongor.