Shillong, Naiwieng 14: Ki nonghikai deficit ba la shongthait hapoh ka lama jong ka Retired Teachers Deficit School Association (RTDSA) hynne ka sngi kila dawa na u Myntri Rangbah ban pynkiew iaka skhim Death-cum-Retirement Gratuity (DCRG) na ka T.3.5 lak sha ka T.10 lak kumba la ai jingmut da ka Meghalaya 5th Pay Commission.
U President ka RTDSA bah E. Nongsiang u la iathuh ba naduh 2020-2021 ki nonghikai deficits ba la shongthait kila dawa naka sorkar ban pynkiew noh iaka bai bam tymmen lane ka DCRG hynrei haduh mynta kane ka jingdawa kam shym la ioh jingmynjur naka sorkar jylla.
U bah Nongsiang u la iathuh ba naduh 2021, ka sorkar khamtam ka tnat pule puthi kala shu kular da ka ktien ban pynurlong iaka jingdawa hynrei haduh mynta kam shym la urlong satia
“Watla iaki nonghikai la khein kum ki budlum ka imlang sahlang namar ki ai ka jingnang jingstad hynrei hapoh Meghalaya ki nonghikai deficits bala shongthait kim ioh iaka bai bam tymmen kat kum ka 5th Pay Commission kum kiwei ki nongtrei bala shongthait” la ong u bah Nongsiang.
“Naka liang ka seng ki nonghikai bala shongthait ngi dawa naka sorkar ban pynurlong noh iaka jingdawa jong ngi namar wat ka Meghalaya 5th Pay Commission ruh kala mynjur ban pyntreikam iaka DCRG“ la ong u bah Nongsiang.
