Tura, Nailar 22: Ka kynhun ki seng Bhalang kiba hap hapoh ka Rajabala Circle, ka la pynpaw ïa ka jingpyrshah kaba jur halor ka jingthung dang shen ïa arngut ki Cluster Resource Person (CRP) hapoh ka Demdema C&RD Block, West Garo Hills da kaba kynnoh ba la pynkheiñ ïa ka state’s reservation policy.
Ha ka dorkhas kaba la aiti sha u District Mission Co-ordinator (DMC), West Garo Hills, ki seng kiba kynthup ïa ka Garo Student Union (GSU) Ka Federation of Khasi Jaintia and Garo People (FKJGP) ,Garo Students’ and Youth Movement Council (GSMC), All School Parents Forum (ASPF), NIKSAMSO bad ka APA kila dawa ban pyndam noh ia ka jingthung kam ïa ka A. Yasmin Mondal bad ka Rani Sarkar kum ki CRP.
Ka kynhun ka kdew ba ki kam ba lait hapoh ka Demdema BMC bad ka Scisella BMC ki dei kaba la mang ban pyndap ne thep da ki Scheduled Tribe. Ki la kynnoh ba ki jingthung kam ba la leh ki long kiba “be-aiñ bad bym hok” namar ba ki kyrtong ba la jied kim dei na ka ST.
“Ïa ki jingthungkam ym shym la leh katkum ka state reservation policy.Ngi dawa jur ban bud ryntih ïa ka policy ban pynthikna ïa ka jinglong hok bad jingkhuid jingsuba”, la ong kine ki kynhun.
Ki la kyntu ia u DMC ban tuklar mardor bad ban pyndam noh ia kane ka jingthung kam, da kaba maham ruh ba lada ym leh ei ei ka lah ban pynduh ia ka jingshaniah jong ki paidbah ha ka rukom thung kam.
 hapoh ka Demdema C&RD Block, West Garo Hills da kaba kynnoh ba la pynkheiñ ïa ka state’s reservation policy.){kind=link}