Shillong, Nailar 17: Ka Voice of the People Party (VPP) hynne ka sngi Palei, kala dawa naka sorkar jylla ba kan pynsted halor ka jingdawa ban thaw iaka Expert Committee ka ban bishar biang iaka bhah thungkam lane ka Reservation Policy.
Haka shithi sha u Myntri Rangbah ka jylla Conrad K Sangma, u General Secretary ka VPP Dr. Ricky AJ Syngkon ula ong “ Ngi kwah ban pynkynmaw ban kham pynkloi noh iaki kam haba iadei bad ka jingthaw iaka Expert Committee ka ban bishar biang iaka Reservation Policy kumba la pynmih jingpyntip daka sorkar haka 1 tarik Jylliew 2023.”
U Dr. Ricky ula pynkynmaw ba haka jingialang kaba la long haka 13 tarik Naitung haka ophis treikam u Myntri R angbah, la pyntip ba ka sorkar kala jan dep artad ban pynmih syndon daka jingpyntip halor ka jingthaw iaka Expert Committee.
“Ka dei satang ban ithuh noh ia u Chairman jong ka Expert Committee ka ba dang sah, kata kadei ka kyntien na phi bad ka ban shim por kumba ar lane lai taiew. Mynta kala don palat shi bnai bad mynta ngi khmih lynti ba ka sorkar kadei ban pynurlong noh iaka jingkular kata ban pynmih noh daka jingpyntip halor ka jingthaw iaka Expert Committee kham kloi” ula ong.
Pule lang ia kane: Kem ki Pulit Assam ia shikmie-shikhun ba khaii ia ki snieh mrad khlaw
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
