Shillong, Jymmang 16 : Ka Voice of the People Party (VPP) ha ka sngi Palei kala dawa ia ka Sorkar Jylla bad ia ka North Eastern Hill University (NEHU) ba kan nym pynshong nongrim ia ka jingpynrung klas ia ki samla pule na ka Common University Entrance Test (CUET).
“Halor kane, ka VPP ka dawa ia ka NEHU bad ka Sorkar Jylla ban nym pynshong nongrim na ka CUET ha ka jingpynrung klas. Hynrei pynshong nongrim n aka result jong ka eksam klas XII” ong u Nongialam ka VPP bad dkhot ka Media Cell Dr Rusievan Shangpliang.
Ula ong ba ka kynrum kynram ba mih na ka eksam CUET ha NEHU kala pynpaw ia ka jingdkoh ha ka rukom pynkhreh bad ka jingkhein sting jong ka National Testing Agency (NTA), ka Sorkar Jylla bad ki bor pyniaid ka NEHU.
Ka long kaba sngewsih ba ki samla pule kin hap ban mad ia ki jingeh namar ka jingbym don ki borkhmih ki ban peit ia ka bha ka miat jong ki.
“Ki samla pule ki hap ban ap kan 3 kynta na ka por bala buh ban ioh thoh ia ka eksam jong ki. Ka rukom pyniaid kaba la kynrum kynram ka lah pynkulmar jingmut ia ki samla, kaba lah ban ktah ia ka jinglah lehbha jong ki” ula ong.
U Dr Shangpliang ula pynkynmaw ba ka VPP kala dep maham teng ia ka Sorkar Jylla halor kane ka kam la ka dei hapoh ne shabar jong ka Iingdorbar Thaw Ain ka Jylla.
 ha ka sngi Palei kala dawa ia ka Sorkar Jylla bad ia ka North Eastern Hill University (NEHU) ba kan nym pynshonngrim ia ka jingpynrung klas ia ki samla pule na ka Common University Entrance Test (CUET).){kind=link}