Buh thup dak iong noh ia ka kompani BRC
Shillong, Jylliew 02 : Ka Liang Pyrshah Trinamool Congress (TMC) ha ka sngi U Blei, kala dawa ia ka jingtohkit ba laitluid halor ka jingkhyllem jong ka kynroh ka PA Sangma Sports Complex bad ban buh noh ha ka thup dak iong (blacklist) ia ka Badri Rai and Company (BRC), kaba pyntrei ia ka project.
“Ka jingtohkit kaba bniah, kaban pynlong da ka kynhun ba laitluid, ka dei kaba donkam ban sei madan ia ka jingshisha bad ban leh eiei pyrshah ia kito kiba don bynta ha kane ka kam, kynthup u Myntri bad u Myntri Rangbah ruh lada donkam”ong u State Youth President ka TMC Richard Marak ha ka kyrwoh.
“Nalor kane, ka long kongsan ban blacklist ia ka Badri Rai and Company (BRC) na ka jingiashim bynta ha kino kino ki project ban sa wan ha Jylla khnang ban tehlakam ia kum kine ki jingjia” ula ong.
“Kumba iaid ka jingiakren, ki kam ki kren kham jam ia ka ktien. Ki Nongshongshnong ka Meghalaya ki dei ban ioh ia ka Sorkar kaba buh hakhmat ia ka jingtreikam haba shit ba shai, kaba ai jingkhein bad kaba buh ia ka jingbha u paidbah hakhmat. Ka lah dei ka por ban pyni da ka kam ym tang da ki jingkular thylli, ban pynioh biang ia ka jingshaniah u paidbah” ula ong.
Ula ong ba ka jingkhyllem jong ka kynroh ka PA Sangma Stadium kala jia la arsien tang hapdeng ka por ba lyngkot, kaba la pynmih ia ka jingkylli halor ka jingbha jong ki tiar ba pyndonkam ban shna ia kane ka jingtei.
 ha ka sngi U Blei, kala dawa ia ka jingtohkit ba laitluid halor ka jingkhyllem jong ka kynroh ka PA Sangma Sports Complex bad ban buh noh ha ka thup dak iong (blacklist) ia ka Badri Rai and Company (BRC), kaba pyntrei ia ka project.){kind=link}