Jowai, Iaiong 12 : Ka Jaintia Coordination Committee for Reservation Policy (JCCRP), kala dawa ia ka Sorkar Jylla ba ka dei ban pyntreikam ia ka Roster System jong ka Job Reservation Policy naduh u snem 2023 ym naduh u snem 1972.
Ka JCCRP ka dei ka Kynhun jong ki Sengbhalang ka Ri-lum Jaintia bad ka Synjuk ki Waheh Chnong Jowai bad Waheh Shnong Ri-Jaintia.
Ka kynhun kala shim ia kane ka rai ha ka jingialang kaba long hynne ka sngi Balang, kaba la iatai sani bha halor ka jingpyn treikam ia ka Roster System hapoh ka Jylla.
Ha kane ka jingialang, u President ka JSU Jerson Shylla, ula shah jied kum u Chairman, u General Secretary ka JSU Treiborlang Suchen kum u Vice Chairman, u President ka EJNC Sambormi Lyngdoh kum u Secretary bad arngut ki Joint Secretary ba kynthup ia u President ka JYF OL Tariang bad Roitre Dkhar.
Hadien ka jingiakren kaba sani bha, la shim ia ka rai ban dawa na ka Sorkar Jylla ba kan pyntreikam ia ka Roster System tang naduh u snem 2023.
Ka JCCRP kala rai ban sa iakynduh biang ha kine ki sngi ban dang wan.
