Shillong, Nophrah 10: Ka National Highway Demand Committee South West Khasi Hills District (NHDCSWKHD) ka la phah tuklar ha u Symbud Myntri Rangbah ba khmih iaka tnat PWD (Roads) Bah Prestone Tynsong ban pynneh biang ia ka surok Double-Lane na ka bynta ka surok Mawngap (NH44E)-Mawphlang-Laitmawsiang-Mawkyrwat-Rangthong-Nongnah-Dirang-Khadphra (Ranikor).
Ha ka shithi sha u Bah Prestone Tynsong, u Chairman ka Committee Bah Kynpham V Kharlyngdoh u la pynpaw ia ka jingbynniaw bad ka jingsngewkhia halor ki khubor kiba saphriang ba la pynhiar kyrdan ia kane ka Project naka surok Double-Lane Highway sha ka surok Intermediate Lane.
“Ngi sngewkhia jur ba kum kane ka rai, lada la ioh jingmynjur kan ktah jur ïa ka jingwan ka roi ka par sha ka thaiñ jong ngi” ong u Bah Kynpham.
Ka Committee ka pynpaw ia ka jingkordor jong ka surok, kaba pyniasoh ia kumba 1,000 tylli ki shnong ha kylleng ki lai tylli ki district, kynthup ia ka East Khasi Hills, South West Khasi Hills, bad West Khasi Hills.Ka surok ka dei kaba kongsan ha ka ioh ka kot, kaba pynsuk ban kit ka bah iaki mar rep, ka jinglah ban iohsuk ia ka koit ka khiah bad ka jingpule, bad ka leit ka wan ha ki thaiñ.
“Ngi kyntu ban pynshai paidbah ia kum kine ki rai kiba ktah iaki paidbah. Ngim pyrshah ia kano kano ka jingthmu jong ka Sorkar Jylla na ka bynta ka jingpyniasoh surok kaba kham bha, hynrei ngi ïeng skhem ha ka jingdawa jong ngi ba ngi donkam ia ka surok bah (National Highway) ha ka por kaba kloi tam” ong ka committee.
Ka Committee ka kyrpad ia u Symbud Myntri Rangbah ba un wanrah biang iaka jingthmu nyngkong kata ka surok Double-Lane bad ban pynthikna ia ka jingiatreilang hapdeng ka Sorkar Jylla, ka NHIDCL, bad ka Sorkar Pdeng bad ban shim ia ki sienjam ban nym pynkylla ia ka project.
 ka la phah tuklar ha u Symbud Myntri Rangbah ba khmih iaka tnat PWD (Roads) Bah Prestone Tynsong ban pynneh biang ia ka surok Double-Lane na ka bynta ka surok Mawngap (NH44E)-Mawphlang-Laitmawsiang-Mawkyrwat-Rangthong-Nongnah-Dirang-Khadphra (Ranikor).){kind=link}