Shillong, Naiwieng 20: Ki samla pule ka skulbah North Eastern Hills University (NEHU) hynne ka sngi kila kynduh ia u Vice Chancellor (VC) ban dawa wengkam mardor ia u Nantu Das u ba la shah kem halor ka jingkynnoh thmu thombor iaka ia ka kynthei hapoh NEHU.
Haba kren shaki lad pathai khubor u General Secretary ka NEHUSU samla Rudolf Carey Chyne ula kynnoh ba Nantu Das u ba dei u Assistant Director of Sports, ula thmu ban jrong kti ia kawei ka kynthei ha Kiang Nangbah Guest House haka 19 tarik mynta u bnai.
U samla Rudolf ula iathuh ba ka lanot kadei ka Volunteer ka ba don bynta ha kaba khmih iaki samla na ka bynta ka lympung Women’s Inter University Football ka ban long hapoh ka Jylla Odissa bad kam dei satia ka samla pule ka NEHU.
Ula iathuh ba kat kum ki kyndon, u Assistant Director of Sports um don hok ban leit shaw iaka lane ban don bynta kam khlem da don lang ki para kynthei ki ban ia shim bynta haka Women’s Inter University Football.
“U Nantu Das ula leit shaw hi dalade iaka na Jingkieng Umshyrpi bad ula ialam iaka sha Nangbah Guest House haka ba ula thmu ban jrongkti hynrei ka lanot kala iakhun bad kala lait phet” kynnoh u samla Rudolf.
Haba iadei bad kane u samla Rudolf ula iathuh ba naka liang ki bahaing jong ka lanot kila ujor daka ejahar bad ki Pulit ruh kila kem noh ia u Nantu Das.
Haba kylli halor ka rai na u VC ka NEHU, u samla Rudolf ula iathuh ba u VC ula pan por 1-2 sngi ban shim rai halor u Nantu Das.
 hynne ka sngi kila kynduh ia u Vice Chancellor (VC) ban dawa wengkam mardor ia u Nantu Das u ba la shah kem halor ka jingkynnoh thmu thombor iaka ia ka kynthei hapoh NEHU.){kind=link}