Shillong, Jymmang 16 : U Director General of Police (DGP) Dr LR Bishnoi hynne ka sngi Ba-ar, ula ong ba ka Tnad Pulit kala pynbor ia ki shipai Border Security Force (BSF) ban aiti ia ki lai ngut ki shipai langrut, kiba la shah kem halor ka jing siat iap ia u Bah Roning Nongkynrih ha shnong Mawshun, East Khasi Hills District.
“Ngi la pynbor ba kat kum ka hukum ka Iingkashari ba ia ki (BSF) ba donkti dei ban aiti noh sha ki (sha ka Tnad Pulit)” ong u Bishnoi haba iakren bad ki nongthoh khubor hadien ka jingialang bad u Symbud Myntri Rangbah ba khmih ia ka Tnad kam Pohiing (Police) Bah Prestone Tynsong.
Ha kane ka jingialang la wan iashimbynta ruh da ki Heh Ophisar ki shipai BSF.
“Ngin ia peit un (Bah Prestone) sa iakren bad ki bor ba halor namar iaki Nongtrei ka Sorkar Pdeng ki don da ki kyndon kaba ngi hap ban iaid” ong u DGP haba bynrap ba kane ka jingjia ka dang don hapdeng ka jingtohkit bad ka kam ka dang long subjudice.
Pule lang ia kane: Plie u CM ia ka jingrakhe lyngkhuh 100 snem ka skul Presbyterian Higher Secondary School
Haba kylli, u Bishnoi ula ong “Mynta ka sngi, u Symbud Myntri Rangbah ula khot ia ngi bad ula khot ia ki Ophisar BSF ruh bad ngi la iakren bniah ia kane ka jingjia bad ngi la iaken ruh halor ka iingkashai bad iaki kyndon jong ki BSF ruh. Ki BSF kila kular ia ngi ba kin sa iaid kat kum ka Ain jong ki”.
U Bah Roning Nongkynrih ula shah siat iap ha ki shipai BSF halor ka jingsuba ba u dei u nongkhaii masi.
Hadien kane ka jingjia, u Inspector Genetal ka BSF Meghalaya Frontier Pradip Kumar ula hukum ia ka court of inquiry bala khlieh da u heh shipai ha ka kyrdan DIG bad hadien la hukum ban kem ia ki laingut ki BSF kiba la ithuh da u Moni Singh uba dei u Head Constable, Sengel Singh Constable bad u Nongniah kali u Kdam Kishore.
U Head Constable Moni Singh uba siat haduh lai kuli na ka Beretta SMG ba ialam sha ka jingiap jong u Bah Roning, ula shah weng shipor naka kam.
Pule lang ia kane: Pan jingpynshai ka CoRP na ka Hima Mylliem ba pyrshang long RS ki Nongialam Sengbhalang
