Shillong, Naiwieng 23 : Ka Meghalaya Indigeneous Peoples Forum (MIPF) kala pynrem jur ia ka jingshah siat ki nongshongshnong ka Mukroh ha ki Pulit ka Assam hynnin ka sngi haba dawa ia ka Sorkar Jylla ba ka dei ban leit kem bad pynshitom ia baroh ki Pulit kiba donkti.
“Ngi pynrem jur ia ka jingleh riewkhlaw jong ki Pulit ka Assam ia ki riew paidbah la kumba ki dei ki lehnoh. Kane ka dei ka jingthombor ia ka hok longbriew manbriew” ong u President ka MIPF Aibor Sing Iawphniaw.
Une u Nongialam ka MIPF ula buh jingkylli ruh ba kumno ki Pulit ka Assam kila wan rung sha Mukroh kaba hap ha Jylla Meghalaya ban leh ia kat katei ka kam. Ula ong ba kane ka dei ka jingpynkhein ia ki ain ki kyndon kaba hap ban shimkhia da ka Sorkar Meghalaya.
Ka MIPF ka phah ia ka kyrwoh sngewlem sha ki bahaiing hasem jong baroh kiba khlad bad kitbok ruh ia kiba mynsaw ba kin ioh bor bad koit noh.
