Dawa ka LSK na ka KHADC ban ailad ia ki Kynthei ban long dkhot ha ki Dorbar Shnong

Date:

Share post:

Shillong, Nailur 28: Ka Lympung ki Seng Kynthei hynne ka sngi kala kynduh ia u Deputy Chief Executive Member (DyCEM) ka Khasi Hills Autonomous District Council (KHADC) bah P. N Syiem ban iakren halor ka jingdonkam ban shah iaki longkmie ba kin don bynta lang haka Executive Committee (EC) jong ki Dorbar Shnong.

Haba kren sha ki lad pathai khubor ka President Ka Lympung ki Seng Kynthei kong Theilin Phanbuh naduh 2011 kala dawa naka District Council ban ailad lang iaki longkmie ban don bynta haka EC jong ki Dorbar Shnong namar kane kan plie lad ban iakren halor ki jingeh bad ka bha ka miat ba ki riewkynthei ki kynduh hala ki shnong.

Ka pyntip ba iala Lympung ki Seng Kynthei la thaw naduh 1992 naka bynta ban khmih iaka bha ka miat ki riewkynthei ha ki shnong ki thaw.

“Watla ki don ki Seng kynthei ne Seng longkmie hala ki shnong ki thaw hynrei baroh ki treikam tang ha suin namar ki khlem pat ioh ka jingithuh naka KHADC bad mynta kum ki kynthei ngi dap daka jingkmen baka District Council kala wanrah daka Bill ban ai noh ka jingithuh iaki seng kynthei ban don bynta haki EC ki Dorbar Shnong bad ki committee bapher bapher” ong ka kong Theilin.

Ka kong Theilin kala iathuh ba ka Lympung ki Seng Kynthei kam shym la dawa ban don bynta ban jied iaki Rangbah Shnong hynrei, ka Lympung ka kwah ban ioh bor ha ka ban don bynta lang haki EC jong ki Dorbar Shnong bad ki Committee bapher bapher ban khmih iaka bha ka miat ki kynthei hala ki shong

U DyCEM bah P. N Syiem ula kubur baka KHADC kala shah iaki Dorbar Shnong ba kin kynthup noh ia 2 ngut ki longkmie haka Executive Committee kat kum ka Bill ba thymmai namar kane kan iarap iaki shnong ban iathir halor ka bha ka miat ki kynthei hala ki shnong.

U bah P. N Syiem ula ong ba kane ka jingdon ki 2 ngut ki longkmie haka EC kan iarap iaki longkmie ban iasaid hapoh ki EC jong ki Dorbar Shnong iaki jingeh baki kynthei ki kynduh bad kumno ban ai jingiarap kum ia kita.

“Ka shong haka jingstad jong ki Dorbar Shnong ban shah ne em iaki longkmie ban don bynta haka jingiajied Rangbah Shong hynrei ka KHADC kala shah iaki Executive Committee jong ki Dorbar ban kynthup lang ia 2 ngut ki longkmie” ula ong.

Share post:

spot_img

Popular

More like this
Related

Mizoram : Iehnohkam u Zoramthanga kum u President ka MNF

Aizawl, Nohprah 05: Hadien ka jingshah rem kput ha...

Ioh khusnam ki Ophisar bad Pulit ka Meghalaya Civil Defence & Home Guard na ka MHA

Shillong, Nohprah 05: 6 ngut ki Officers bad 9...

Arunachal Pradesh: Dawa ka NSCN haduh T. 1.65 klur ban pyllait ia u Rangbah Shnong

Dibrugarh, Nohprah 05 : Ka NSCN kala bsuhkhlieh biang...

Pynbna ka MBoSE ia ka eksam SSLC bad HSSLC ha u Lber

Shillong, Nohprah 05: Ka Meghalaya Board Of School Education...