Shillong, Nailur 24: Ka Khasi Student Union (KSU) Eastern Central Division ha ka sngi Balang, kala aiti daka dorkhas ha u Myntri ka tnat ka koit ka khiah Bah Wailadmiki Shylla, ba dawa ban pynbiang ia ki kali kit nongpang (Ambulance) naka bynta ka Diengpasoh PHC.
Haka dorkhas ka KSU kala pynsngew baka jingbym don Ambulance ha Diengpasoh PHC kala wanrah ia ka jingeh kaba khraw ia ki nongshong shnong, khamtam ha ka por ba donkam kyrkieh ha ka liang ka koit ka khiah, ha kaba ka jingiarap ha ka por kaba biang ka lah ban pyniapher hapdeng ka jingim bad ka jingiap.
“Ka imlang sahlang jong ngi ka kynthup ïa ki nongshong shnong kiba la tymmen, ki kynthei kiba armet, bad ki briew kiba don ïa ki jingpang bym lah iaid lane shitom jur, kiba donkam ban leit sha ki jaka sumar man ka por. Hynrei, namar ka jingbym don ka kali kit nongpang bad ka jingjngai sha ka hospital ne jaka sumar, ki nongpang bunsien ki slem ban ïoh ïa ka jingsumar khamtam eh ïa ki kynthei kiba armet” la ong ka KSU.
Ka KSU kala ong ba ka jingdon ka Ambulance hapoh ka Diengpasoh PHC kan pynbha shibun ia ka jinglah ban ioh ia ka jingsumar bad kan iarap ban pyllait im ia kiba bun ki jingim hadien ha bud.
 KSU Eastern Central Division ha ka sngi Balang, kala aiti daka dorkhas ha u Myntri ka tnat ka koit ka khiah Bah Wailadmiki Shylla, ba dawa ban pynbiang ia ki kali kit nongpang (Ambulance) naka bynta ka Diengpasoh PHC.){kind=link}