Shillong, Naiwieng 20: Ka Khasi Student Union (KSU) Bengaluru Unit ka la phah daka dorkhas sha u Myntri Rangbah ka Jylla u Conrad K Sangma ba kyntu ban pyntreikam noh ia ka Meghalaya House ha Bengaluru bad ban pyniasoh liengsuin na nongbah Shillong sha Bengaluru.
Ha katei ka dorkha, u president ka KSU-BU u samla Donboklang Nongphud u la ong, “Ngi pynpaw ka jingsngewnguh kaba khraw ïa ka Sorkar Meghalaya kaba la ïoh ïa ka Building ban pyntreikam kum ka Meghalaya House ha Bengaluru hynrei haduh mynta ym pat plie bad ym pat pyntreikam iaka. Ngi kyntu iaka Sorkar ban pyntreikam noh khnang baka Meghalaya House kan long kum ka jaka ai jingïarap kaba kongsan bad ka jaka sah na ka bynta ki samla pule, ki nongpang, bad kiwei kiwei ki nongshong shnong na ka Jylla Meghalaya”.
Ka KSU ka kyrpad ruh ïa ka Sorkar ban pyntreikam daki liengsuiñ kiba her na Shillong sha Bengaluru la kumno kumno shisien shi taiew ban iarap iaka leit ka wan ki nongshong shnong ka Meghalaya.
Nalor kata, ka KSU ka la pan jingiarap na ka Sorkar ban iarap kit lem iaki nongshong shnong kiba la khlad noh da ka jingkyrshan pisa bad la thung ia ki ophisar na Meghalaya Secretariat ban peit ia ka bha ka miat jong ki nongshong shnong jong ka Meghalaya ha Bengaluru.
 Bengaluru Unit ka la phah daka dorkhas sha u Myntri Rangbah ka Jylla u Conrad K Sangma ba kyntu ban pyntreikam noh ia ka Meghalaya House ha Bengaluru bad ban pyniasoh liengsuin na nongbah Shillong sha Bengaluru.){kind=link}