Shillong, Risaw 07: Ka Khasi Students Union (KSU) South West Khasi Hills District Unit ha ka sngi Ba-ar, ka la dawa ban thung 2 ngut ki nonghikai assistant teacher ba pura ha Nongrim Warding Government LP School kaba hap hapoh ka Mawsynram C&RD block.
Ha ka shithi bala phah sha u District School Education Officer (DSEO) East Khasi Hills, ka KSU ka la pyntip ba iaka Nongrim Warding Government LP School la seng ha u snem 1972 bad mynta kane ka skul kala ai jingshakri haka pule puthi ia palat 50 ngut sha ki khynnah skul ka thain.
Ka KSU ka ong ba kane ka skul mynta ka treikam khlem nonghikai ba pura naduh u bnai Jylliew 2025.
Kala ong ba hadien ka jingkhlad noh jong uwei u nonghikai ba pura, ka Nongrim Warding Government LP School ka treikam tang da nonghikai mon sngewbha ba la thung da ka School Managing Committee ha kine ki saw bnai ba la dep.
Ka KSU ka kynthoh ba kane ka jingbym lah ban thung nonghikai ba pura ka buh jingma ia ka jingbha bad jingbteng iaka jingshakri haka pule puthi ki khynnah skul.
“Kumta ngi kyrpad jur ba phin shim iaki sienjam ba kyrkieh ban thungkam noh mardor ia 2 ngut ki Nonghikai ba pura ha Nongrim Warding Government LP School” la ong ka shithi.
“Kane ka jingbym lah ban thungkam nonghikai ba pura bad ka jingdon tang da nonghikai trei monsngewbha ym tang ba ka buh ïa ka jingkit kaba khia hynrei ka long ruh kaba ym lah ban pdiang namar ka buh jingma ïa ka jingbha bad jingbteng jong ka jingshakri haka pule puthi na ka bynta ki khynnah”.
 South West Khasi Hills District Unit ha ka sngi Ba-ar, ka la dawa ban thung 2 ngut ki nonghikai assistant teacher ba pura ha Nongrim Warding Government LP School kaba hap hapoh ka Mawsynram C&RD block.){kind=link}