Shillong, Risaw 11 : Ka Khasi Students Union (KSU) kala dawa ban pyntreikam ia ki 17 tylli ki mat jingdawa ban pynkylla ia ka rukom treikam jong ka District Selection Committee (DSC) ka East Jaintia Hills Hills ba kan long kaba shai, kaba lah ban treikam bha bad kaba lah ban shaniah.
Ha ka dorkhas bala phah sha u Chairman ka DSC, ka KSU East Jaintia Hills Unit kala ong “Ngi dawa ban pyntreikam ia ki 17 tylli ki mat jingdawa na ka bynta ka District Selection Committee ba kan wanrah ia ka rukom thungkam kaba shai bad kaba biang bha”.
Ka jingdawa ka kynthup ia ka jingthung ia kham bun ki Non-Official Vice Chairman bad Non-Official Member jong ka DSC ki bym don jingiadei bad ki seng sain pyrthei, ban pynbna ia ki jingdon jingem bad ki ram kishah da kine ki nongtrei Sorkar, ki nongaplai kam ki dei ban dei ki nong Meghalaya bad ba nang ia ka ktien KHasi ba kin lah aplai ia kino kino ki kam ha ka DSC ha Khasi bad Jaintia, ban kiar ia ka jingthung adhoc/contractual/casual, ban pynmih da ka calendar ia ki sngi ban pynlong ia ki eksam da ka DSC, ban pynmih paidbah ia ki marks ba ioh da ki kyrtong ba iakhun ia ka eksam, ym dei ban pynkylla ia ki roll nombor, carbon copy jong ka OMR sheet ban ai sha ki kyrtong, pyllait ia ka answer ker hadien ka eksam bad ai ia ka por ban tynjuh ia ki answer key, pyndep ia ka jingthungkam hapoh 6 bnai n aka sngi ba pynmih ia ki jingpynbna laitkam, pynduh ia ki personal interview jong ka grade B,C bad D, pynmih ia ka kaiphod ba shisnem jong ka DSC, pynthikna ban nym lait tuh ki ingkylli, pynkha ia ka Grievances Cell ha ka DSC, pynlong da ki Computer based test hadien habud, khang ia ka internet ha ki kynta ba log eksam bad pyndait ia ki CCTV camera hapoh ki kamra thoh eksam.
 kala dawa ban pyntreikam ia ki 17 tylli ki mat jingdawa ban pynkylla ia ka rukom treikam jong ka District Selection Committee (DSC) ka East Jaintia Hills Hills ba kan long kaba shai, kaba lah ban treikam bha bad kaba lah ban shaniah.){kind=link}