Shillong, Risaw 01: Ki sengbhalang ba kynthup ka Khasi Student Union (KSU) bad ka Federation of Khasi Jaiñtia and Garo People (FKJGP) ha ka sngi Balang, kila dawa naka Sorkar Jylla ba kan shimkhia halor ka jingdawa jong ki nonghikai Adhoc hapoh ka shatri Federation of All School Teachers of Meghalaya (FASTOM), kaba dang iakhih da kaba iashong kyllain mungor ha madan Malki.
Ki nongialam ka KSU bad ka FKJGP kila leit ban iakynduh bad iakren bad ki nonghikai ban sngewthuh ia kaei ka jingeh kaba ki iakynduh.
Lah ban kdew, u Myntri Rangbah ka Jylla Conrad K Sangma ula khot iaki nongialam ka FASTOM ban ïakren halor ka jingdawa kyntiew kyrdan iaki nonghikai Adhoc sha Deficit ne Deficit Pattern.
Haba kren sha ki lad pathai khubor President ka KSU samla Lambokstarwell Marngar u la ong ba u khmih lynti ba u Myntri Rangbah ka Jylla u Conrad K Sangma un ai ka jubab kaba hun sha ki nonghikai kiba la pynlong ïa ka jingïakhih.
Ula ong ba kane ka jingïakhih ki nonghikai kala wanrah ka jingthut haka pule puthi namar mynta la palat 7 sngi ki nonghikai kila don ha madan Malki.
“Ka jingmih surok ki nonghikai kan ktah beit iaka pule puthi namar kim ioh lad shuh ban leit hikai ia ki khynnah skul hala ki skul namar kata ngi dawa naka Sorkar ban shimkhia halor ka jingdawa ki nonghikai khnang kan nym don ka jingthut haka pule puthi” ong u samla Lambok.
U President ka KSU ula pynpaw ka jingsngewkhia halor ka jingiai mih surok ki nonghikai daka ba ong ba lada ki nongthaw aiñ ki shim ïa ki 5 snen kum ka jingleh tamasa ka Jylla ruh kan sa nang hiar arsut.
Naka liang u Vice President ka FKJGP Bah Kitboklang Nongphlang ula ong ba ki seng saiñpyrthei ha ki Election Manifesto jong ki, ki buh hakhmat eh ban kyntiew ia ka pule puthi hynrei kim pyni pat da ki kam ban weng ia ki jingeh ki nonghikai.
U Bah Kitbok ula kynnoh ba ka Sorkar ka don pisa ban pynlut ha ki kam tamasa hynrei kam thaw ia ki lad ki lynti ban weng pat ia ki jingeh ki nonghikai bad kumjuh kiwei kiwei-kiwei kiba dei ha ka tnat pule.
 bad ka Federation of Khasi Jaiñtia and Garo People (FKJGP) ha ka sngi Balang, kila dawa naka Sorkar Jylla ba kan shimkhia halor ka jingdawa jong ki nonghikai Adhoc hapoh ka shatri Federation of All School Teachers of Meghalaya (FASTOM), kaba dang iakhih da kaba iashong kyllain mungor ha madan Malki.){kind=link}