Shillong, Jylliew 09 : Ka Kmie u Raja Raghuvanshi, uba shah pyniap ha ka jingwan honeymmon sha Meghalaya, ka Uma Raghuvanshi, kala dawa ban ai ia ka jingpynsajia ba tyngeh tam ia ki briew kiba donkti-kynthup iala ka pyrsa kurim lada la pynthikna ba ka donkti lang.
Haba kren sha ki lad pathai khubor, ka Uma kala ong “Kito kiba donkti ki dei ban ioh ia ka jingpynsajia da kaba rai pyniap. Lada ka Sonam ka leh ia kane, ka ruh ka dei ban ioh ia kajuh ka jingpynsajia”.
Kane ka jingkynthoh ka Kmie kala mih hadien ka jingnang iai mih ki sakhi ba ka Sonam ka lah ban suhbuit ban pyniap iala u kurim da kaba thong pisa sha ki briew na Madhya Pradesh.
Ka Uma kala pynpaw ia ka jingbym sngew lah ngeit ia kine ki jingkynnoh haba ong baka Sonam ka ju burom bha ia ki bahaiing hasem bad kam ju pyni satia ia kano kano ka jingbym sngewtynnad. “Ngim pat sngew lah ngeit ba kan leh ia kane ka kam….Wat ha ka jingiakren phone, ym shym don ka jingsngewpher eiei ruh em” kala bynrap.
Haba ban jur ba dei ban ioh ia ka jingbishar kaba hok, ka Uma kala ong “Nga la niew ia ka kum ka Khun lajong. Hynrei lada ka dei kaba phah pyniap ia u Raja, nga kwah ba kan ioh ia ka jingpynsajia kaba tasam duh-ka rai pyniap. Lada kam dei ma ka, kaba leh, ngan um kynnoh kulmar satia ia ka”.
