Shillong, Nailar 31: Ka Khun Hynniewtrep National Awakening Movement (KHNAM) ha ka sngi Palei, kala dawa ia ka Khasi Hills Autonomous District Council (KHADC) ba kan pan jingshai na ki arngut ki MLA ka BJP-Bah Sanbor Shullai bad A.L.Hek, ba ki iohbor nangno ban thung Rangbah Shnong da ki bar Jylla bad ai ia kito kiba sah ha RR Colony ia ka jinglait luid ban synshar hi dalade.
Ha ka kyrwoh, u Working President ka KHNAM Bah Thomas Passah ula ong ba dangshen ka Hynniewtrep Integrated Territorial Organization (HITO) kala sei madan ia ka jingai Trading Licence jong ka KHADC halor ka NoC bala ai da ka Society jong ka RR Colony bad ba soi da u Rangbah Shnong bar Jylla.
Hynrei, kala paw shai ba ka “The Khasi Hills Autonomous District (Appointment and Succession of Syiem, Deputy Syiem, Electors and Rangbah Shnong of Mylliem Syiemship) Act 2007” kam shym la ithuh ia ki bar jylla ban long kum ki Rangbah Shnong jong kano kano ka Shnong.
“Kane ka jingjurip jong ka Sengbhalang kala lam sha ka wanrah ia ka Resolution bala soi da u EM ba mynshuwa ka Tnad Trade Bah Sanbor Shullai (South Shillong) bad AL.Hek (Pynthorumkhrah) kiba la ai jingbit ia ki bar jylla ban ai NOC” ong u Bah Passah.
U Bah Passah ula ong ruh ba ka Dorbar Shnong ka Rynjah kala ai ia ka jingpynshai kaba biang eh ba naduh u snem 2019, ka RR Colony ka dei kaba la ai kyrteng sha ka Them Rynjah bad ka jingai No Cia kino kino ki kam la dei ban ai noh da ka Dorbar Shnong ka Rynjah.
“Ngi kyrpad ia ka Dorbar Shnong ba kan sngewbha wen glut noh ia ki sign board ba thoh RR Colony kiba dang don kat haduh mynta bad ban bujli noh da ka kyrteng kaba dei kumba la rai ha u 2019, khnang ba kan nym don shuh ka jingialam bakla ia ki paidbah” ula bynrap.
Nalor kane, une u Nongialam ka KHNAM ula ong ba u CEM ka KHADC ula ai ruh ia kum kane ka juh ka jingpyrshai ha kaba ka KHADC kala kyntait ban pdiang ia kano kano ka NoC lait noh ba ai da ka Dorbar Shnong Rynjah.
Pule ruh: Sdang ka Nagaland ban pyniasoh ia ka Aadhaar bad ka sngi Kha
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 ha ka sngi Palei, kala dawa ia ka Khasi Hills Autonomous District Council (KHADC) ba kan pan jingshai na ki arngut ki MLA ka BJP-Bah Sanbor Shullai bad A.L.Hek, ba ki iohbor nangno ban thung Rangbah Shnong da ki bar Jylla bad ai ia kito kiba sah ha RR Colony ia ka jinglait luid ban synshar hi dalade.){kind=link}