spot_img

Dawa ka KHADC ia ka Sorkar ban pan jingmut hashuwa ban pyntreikam ia ka MSIPF Act, 2024

Date:

Share post:

Shillong, Nohprah 19 : Ka Khasi Hills Autonomous District Council (KHADC) ha ka sngi Palei kala mynjur ia ka Resolution ba dawa ia ka Sorkar ban pan jingmut shuwa na ki kynhun bapher bapher hashuwa ban pyntreikam ia ka Meghalaya State Investment Promotion and Facilitation Act, (MSIPF) 2024.

Haba wanrah ia ka Resolution, u Chief Executive Member (CEM) Bah Pyniais Sing Syiem ula ong “Ka jingtyrwa ban pynkylla ia ka MSIPF Act, 2024, kaban ailad ia ka IMA ban thied jaka bad aijaka sha ki nongsengkam kan sa iatakhuh bad kiba bun ki kyndon jong ka Khasi Hills Autonomous District (Regulation and Administration of Land) Act, 2021 bad kan ktah ia ka jingsngew jong u paidbah babun balang”.

“Kumta, ka Iingdorbar ka rai mynta ban kyntu ia ka Sorkar Meghalaya ba kan pan jingmut lyngba ka jingiasyllok bad ka Council lem bad ki kynhun bapher bapher hashuwa ban pyntreikam ia kane ka Ain” ula ong.

U Bah Pyniaid ula kdew ruh ba ka riti bat khyndew jong ki Khasi kaba don ha ki Dorbar Shnong, Dorbar Raid, Dorbar Hima ka dei dei ka rukom treikam kaba tam kaba la pynneh pynsah ia ka jinglong kyrpang jong ki paid Khasi.

Ka KHADC kumba la pynkupbor da ka Sixth Schedule jong ka Riti Synshar ka Ri, ka dei ban iada bad pynneh ia ka riti bat khyndew ki Khasi hapoh u pud u sam jong ka.

Ki Dorbar Shnong, Dorbar Raid bad Dorbar Hima ki dei kiba bor treikam kiba don ia ka bynta kaba khraw bha ban iada ia ka riti dustur bad ka riti bat khyndew jong ki paid Khasi.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...