Shillong Nailar 28: Ka Jaintia Students Union hynne ka Sngi Nyngkong kila dawa ia ki heh jong ka kompani Topcem ban beh noh mardor ia ki arngut ki nongtrei bar jylla kiba kynshoit ia ki pulit ban tied ban bom ia ki paidbah ha ka sngi ba don ka Public Hearing ha Thangksai, Lumshnong East Jaintia Hills.
Ki nongialam ka seng JSU kila pyntip ba kila leit iakynduh ia ki heh ka Topcem bad kila dawa ym tang ban suspon lane ban weng kam shipor ia ki arngut ki nongtrei jong ka hynrei ban beh noh napoh ka Jylla.
“Ngi la dawa ban beh mardor ia kine ki nongtrei bar jylla napoh ka jylla Meghalaya ban lait na ki jingjia ba sngewsih. Ngi la maham ruh iaki heh ka Topcem lada ki dang buh ia kine ki arngut ki bar jylla hapoh company, kan sa mih ki jingsngewsih bad ka jingiapher jaitbynriew hapoh ka jylla” ong ka JSU ha ka kyrwoh.
“Lada jia ba mih kano kano ka kam ba sngewsih, ka Topcem ka hap ban shim ia ka jingkitkhlieh” kala bynrap.
Kila iathuh ba ki heh company ki lah mynjur bad kila phah sha ki bor ba halor jongka company ban leh ia kaba donkam bad ka seng JSU kala kren da kaba shai ba ka company ka hap ban pynurlong ia kane ka jingdawa lym kumta ka company kan mad iaka jingeh.
Ki nongialam ka JSU kila pyntip ruh ba kila leit iakynduh ia u DC ka East Jaintia Hills ha kaba ula kular ban phah da ka jingthoh sha ka tnad kam pohiing bad ka tnad Political ban beh syndon ia kine ki ar ngut ki nongpynshit napoh ka jylla.
Pule lang ia kane: Shen yn ioh iaka NE ia ka lynti rel ba pyniasoh bad ki Ri ba marjan :NFR
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
