Shillong, Naitung 13: Ka Jaintia National Council (JNC) hynne ka sngi kila dawa na u myntri ka tnat Disaster Management bah Kyrmen Shylla u badei ruh u MLA ka thain ban nym shah satia iaka sorkar jylla ba kan iakren halor ka jingpynpoi lynti Rel hapoh Khliehriat, East Jaintia Hills.
Haba kren sha ki lad pathai hadien ka jingkynduh ia u bah Kyrmen Shylla, u President ka JNC samla Sanbormi Lyngdoh ula ong baka seng bad ki paidbah nongshongshnong ka thain East Jaintia Hills ki sngewkhia bha halor ka jingkam u Myntri Rangbah ka jylla u Conrad K Sangma ba kala don ka jingiakren ban pynpoi Rel shapoh kane ka thain.
U samla Sambormi ula ong baka seng ka pyrshah jur ia kane ka jingthmu ka sorkar jylla ban pynpoi Rel shapoh ka thain East Jaintia Hills namar kane kan pynsuk shuh shuh iaki bar jylla ban wan buhai shnong shapoh kane ka thain bad ka jylla Meghalaya baroh kawei.
“Kam pher la ka dei tang ka Rel kit mar ne Rel kit briew hynrei na ka liang ka seng bad ki paidbah nong shong shnong hi kin iai pyrshah jur ia kane ka jingthmu namar ba lada wan ka lynti Rel ka jingmyntoi hi ka dei naka bynta ki briew ki ba wan nabar” la ong u samla Sambormi.
U samla Sambormi ula kynnoh ba karRel kan pynsuk tang ia ki briew ba nabar katba ki trai ri trai muluk kin sa mad ia shibun ki jingeh bad shah knieh noh iakiba bun ki hok kynthup ki kam ji jam.
Pule ruh: Pynpra ki hati khlaw haduh 14 tylli ki sem jaka rep ha thain Nongnah
 hynne ka sngi kila dawa na u myntri ka tnat Disaster Management bah Kyrmen Shylla u badei ruh u MLA ka thain ban nym shah satia iaka sorkar jylla ba kan iakren halor ka jingpynpoi lynti Rel hapoh Khliehriat, East Jaintia Hills.){kind=link}