Nongstoiñ, Jylliew 26: Ka HYC West Khasi Hills kala dawa ia Myntri kam ialehkai ka Jylla Bah Shakliar Warjri ba u dei ban shimkhia ban pynïoh madan phlang plastic ha Nongstoiñ bad Mawshynrut.
Kane ka seng kala buh ia kane ka jingdawa ha ka jingiakynduh markhmat ia une u Myntri hynne ka sngi nyngkong ha Nongstoin.
Kane ka seng kala aiti ruh da ka dorkhas sha u Myntri ba long ruh u MLA ka Mawthadraishan Con stituency. Ka seng kala pynpaw ba ka West Khasi Hills ka la kynjoh 46 snem tam ka karta hynrei kane ka District ka dang don hapdeng shibun ki jingsahdien khamtam haba phai sha ka koit ka khiah.
Kala kdew ruh ba ha ki kam ialehkai, kane ka District ka dang sahdien bha bad namar kane, kala kyntu ia u Myntri ban pynioh noh ia ka madan plastic bad ban pynbha ia ki madan ialehkai kiba don ha ka District.
Pule ruh: Phah tohkit ka Sorkar ia ka huri hura ki BSF bad ki paidbah ha Umsyiem
