spot_img

Dawa ka HYC ia u DC ban ai jingiada ia ki paid Khasi ha khappud ka Ri-Bhoi

Date:

Share post:

Nongpoh, Nailur 23 : Ka Hynniewtrep Youth Council (HYC)-Ri-Bhoi, hynne ka sngi Ba-ar, kala dawa ia u Deputy Commissioner ka Ri-Bhoi District, ba un ai ka jingiada ia ki paid Khasi kiba sah ha khappud ka District bad ka Assam.

Kane ka jingdawa kala mih hadien ki jingjia shah kem bad shah pynthut jong ki paid Khasi ha khappud ka Ri-Bhoi-Assam, kiba la jia na ka por sha ka por.

Ka HYC-Ri ba ialam da u General Secretary Tonny Shylla, kala iakynduh markhmat ia u Deputy Commissioner ka Ri-Bhoi hynne ka sngi ban iakren ia ki jingeh kaba ki paid Khasi ki mad ha khappud na ka jingiai pynibor jong ki bor ka Sorkar Assam.

Haba iakren bad ki lad pathai khubor, u samla Tonny Shylla ula ong b aka long kaba donkam ba u Deputy Commissioner un peit pyrman bha ha khappud bad ban pynthikna ba ki paid Khasi kim dei satia ban shah pyndik bad shah thombor ha ki bor ka Sorkar Assam.

Ha kane ka jingiakynduh, ka HYC kala rah ruh ia ka mat iakren halor ka jingnang kynrei jong u drok hapoh ka District.

Ula pyntip ruh hakhmat u DC ia ka jingshimkhia jong ka Seng ban ratdyngkhong ia u droks napoh ka Jylla da kaba pynlong ia ki jingkhynra bad jingiasyllok ia ki samla bala ngop ha une u jingdih, ba kin lait noh na une u jingdih ba sniew.

“U DC ula kular ban shimkhia ia kine ki mar bala rah da ka Seng bad pyntip ba shen un s alum ia ka jingialang kaba kyrpang ban iakren halor ki lad ki lynti ba kumno yn lah ban tehlakam ia u droks” ula ong.

Share post:

spot_img
spot_img

Popular

More like this
Related

Thmu ka Sorkar ban pynlong jingiakop ia ki shnong ba thung bun eh ki dieng Cherry Blossom

Shillong, Jylliew 29 : U Myntri kam jngohkai Bah...

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...