Dawa ka HYC ia MeECL ban ai bording ha Mawdiangsnam | Da pynthut ka Assam ngin mih ma ngi

Date:

Share post:

Nongstoin, Iaiong 03 : Ka Hynniewtrep Youth Council (HYC)-Ri-Muliang Circle kala dawa ia ka Meghalaya Energy Corporation Limited (MeECL) ba kan ai bording noh hapoh ka Shnong Mawdiangsnam, kaba don ha khappud ka West Khasi Hills-Assam.

Kane ka Seng kala ai ruh ka jingkular ia ka Tnad MeECL ba lada mih kano kano ka jingpynthut na ki bor ka Sorkar Assam, ka HYC- Ri Muliang kan sa mih ban leh ia kaba donkam.

Ka HYC-Ri Muliang ba ialam da u President samla Disterborlin Wanniang, kala aiti daka dorkhas ha u Executive Engineer ka MeECL hynne ka sngi Balang, kaba kdew ia ka jingdonkam ban pynioh bording noh ia kane ka shnong khappud ka District, kaba hap hapoh ka thain Langpih.

Lah ban kdew hangne ba ka MeECL kala sdang pyntrei ia ki kam ban pynroi bording ha kane ka Shnong ha kine ki snem bala leit hynrei ki bor ka Sorkar Assam kila wan pynthut bad khang ia ka kam.

“Ka HYC ka kren shai ia ka MeECL ba kan sdang pyntrei biang ia ka kam khnang ban ioh bording noh ki paradoh parasnam jong ngi ha thain Langpih. Lada ki Pulit Assam ki wan ban pynwit biang, ngin sa mih ma ngi” ong u samla Disterborlin haba iakren bad ki lad pathai khubor.

Dawa ka HYC ia MeECL ban ai bording ha Mawdiangsnam | da pynthut ka Assam ngin mih ma ngi

Une u Nongialam ka HYC u iathuh ba ka kam pynpoi bording sha Mawdiangsnam kala sahkut da ki phew snem bad ka MeECL haduh mynta ka dang shu pynieng tang ki nar post suda. U iathuh ba ka Tnad kala pynpoi ia ki tiar ki tar ha ka shnong hynrei ia kine ki tiar ruh la shu ieh lyngkrang ha madan madiah.

Ha kajuh ka por, u ong ba ka HYC kala kyntu ruh ia u Engineer ban maramot bad pynbha noh ia ki nar post elektrik kiba la jot bad bam sarang ha ka thain, kiba la buh pynban ka jingma ia ki nongshongshnong ha kiba bun tylli ki shnong.

Nalor kane, u iathuh ba ka Seng kala iakren ruh halor ka jingdonkam ban pyntreikam noh da ki meter system khnang ba ki paidbah ka thain kin lah ban pynduna ia ka jingkiew palat ka bill light.

“Na ka liang u EE ula kular ban shimkhia ia ki jingdawa ka seng. Kumta ngin iai ap ba un pyndep ia kaei kaba ula kular” ula ong.

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...