Shillong, Iaiong 30: Ka seng Hynñiewtrep Youth Council (HYC) hynne ka sngi U Blei, kala phah shithi sha u Vice Chancellor (VC) ka skulbah North Eastern Hills University (NEHU) ba dawa ba dei ban thungkam shuwa nyngkong daki trai jylla kum ki Professors bad Assistant Professors hapoh NEHU.
Ha kane ka shithi, ka HYC kala pyntip ba ki don bun ngut ki trai jylla na rilum Khasi-Jaintia kiba la pyntbit ialade haka kam hikai lane ban shimti iaka kam kum ki Professors bad Assistant Professors hapoh kane ka skulbah.
Halor kane ka HYC ka dawa ba dei ban ban ailad shwa iaki trai jylla na rilum Khasi-Jaintia ban shimti iaka kam hikai ha ki kyrdan Professors bad Assistant Professors hapoh NEHU namar kane kan lah ban kham pynjanai shuh shuh iaka jingai jinghikai iaki samla hapoh kane ka skulbah.
Ka seng kala pyntip ruh sha u VC ba lada ka skulbah NEHU kam shimkhia ia kane ka jingdawa, ka seng kam banse ban iaid da kiwei ki lynti ban iakhih katkum ka riti synshar paidbah.
