Shillong, Naitung 31 : Ka HSPDP State Youth Wing kala pynrem ia ka jingkynnoh siat tyndong lyer pynsat khmat (tear gas) ki Pulit pyrshah ia ki kynhun ba pynlong jingiakhih ha Daistong, East Jaintia Hills, haba pynpaw ba ki paidbah kynthup ki kynthei bad ki khynnah kila shah ktah.
Ha ka kyrwoh ba pynlait ha ka sngi Thohdieng, u President ka Youth Wing Korbarlang Syiemlieh ula pynpaw ia ka jingsngewkhia kaba jur ba ka Kmie bad I Khunlung kila hap ban ring mynsiem ia ka tdem ba mih na ka tyndong lyer pynsat khmat ha kane ka jingiakhih.
Ka Youth Wing kala dawa ia ka Sorkar Jylla ban shimkhia mardor ia kane ka jingjia bad ban thung ia ka jingtohkit ba laitluid bad kaba shai.
Ka bynta ba lada shem ia ki briew ba donkti ban pyndonkam palat ia ka bor, ki dei ban shah pynshitom kat kum ka ain.
Haba kyntu ban iakren ha ka jaka ka jingiapynibor, ka Youth Wing kala ong ba ia ki jingsngewkhia u paidbah dei ban leh eiei da ka lynti kaba don burom bad ka jingiakren.
Kala kyntu ruh ia ki bor ba dei khmih ban pynthikna ba ki kynthei, khynnah bad ki tynmen kim dei ban doh ha ka jingma ha kino kino ki jingiakhih.
 ki Pulit pyrshah ia ki kynhun ba pynlong jingiakhih ha Daistong, East Jaintia Hills, haba pynpaw ba ki paidbah kynthup ki kynthei bad ki khynnah kila shah ktah.){kind=link}