Shillong, Nohprah 17: Ka Hills State People Democratic Party (HSPDP)-Youth Wing ka West Khasi Hills District ha ka sngi Balang, kala ai dorkhas sha u Myntri ka tnat Arts and Culture Bah Sanbor Shullai ba dawa ban kyntiew kyrdan noh ia ka District Library kaba don ha Nongstoin sha ka District Multi-Convention Centre.
Haka dorkhas ka HSPDP ka pynpaw ia ka jingdonkam ban don ka Convention Multipurpose bad ka Community Center kaban ai ka jingshakri ha ki jingdonkam bapher bapher jong ki paidbah ka West Khasi Hills.
“Ka jingdon ka District Library, watla la tei iaka da ka jingthmu kaba bha, hynrei ha kine ki snem ba la dep, la ïohi ïa ka jingduna bha ha ka jingpyndonkam ia ka namar ki jingduna ha kiba bun ki liang” ong ka dorkhas.
Ka jingdawa ban kyntiew kyrdan ia ka library kan iarap kyntiew ia ka Arts and Culture, ka jingiatreilang jong ki samla, ka jingpule, bad ka jingkiew ka imlang sahlang ha ka District. Kan ai jingmyntoi ia ki samla pule, ki Artist, ki seng samla, bad ki paidbah nongshong shnong, kan long kum ka jaka pule na ka bynta ki samla ki bym don jaka pynkhreh ia ki eksamin bapher bapher” kala ong.
“Ngi kyrpad jur ia ka jingiarap ba sbun jong phi bad ka jingleh kaba donkam ban kyntiew kyrdan ia ka District Library kaba mynta sha ka District Multi-Convention Centre bad ki jingpyndonkam ba buh jait” la ong HSPDP.
Ka Party ka la kyrpad ïa u Myntri ban mang ïa ka pisa kaba donkam bad ka jingkyrshan na ka tnad Arts and Culture bad ban pynrung ïa kane ka projek ha ka plan na ka bynta u snem 2025-2026.
“Ngi don ka jingkyrmen ba hapoh ka jingialam ba jong phi, ia kane ka jingangnud ba la slem jong ki paidbah ka West Khasi Hills yn lah ban pynurlong” ka la ong.
-Youth Wing ka West Khasi Hills District ha ka sngi Balang, kala ai dorkhas sha u Myntri ka tnat Arts and Culture Bah Sanbor Shullai ba dawa ban kyntiew kyrdan noh ia ka District Library kaba don ha Nongstoin sha ka District Multi-Convention Centre.){kind=link}