Shillong, Nailar 14 : Ka Hill State People’s Democratic Party (HSPDP) ha ka sngi Balang ka la phah tuklar ha u Myntri Rangbah ka jylla Conrad K Sangma ban ithuh noh ia ka ktien Khasi kum ka ktien Sorkar (Official language) khnang ban plie lad ia ki samla bym don kam don jam ba kin ioh rungkam ha ka tnad Post Office (GDS Section 2) bad kiwei kiwei ki ophis sorkar pdeng kiba don ha Meghalaya.
“Ngi, namarkata, ngi kyntu ia ka sorkar jylla hapoh jong phi ba dei ban pynbeit thymmai ia ka ktien Khasi, Garo da kaba pynbna noh hapoh ka Meghalaya State Language Act 2005 section 6 kum ka ktien Sorkar, khnang ban pynlah ia ki samla khlem kam ban iakhun da kaba ithuh ia ka ktien Khasi mark sheet certificate ba la ioh kum ka ktien sorkar, khnang ba kin lah ban ioh kam ha ka tnad post Office (GDS Section) bad kumjuh ruh ha baroh ki ophis jong ka sorkar pdeng” ong u president ka HSPDP u KP Pangniang ha ka dorkhas ba la ai sha u Conrad ha ka jingiakynduh hynne ka sngi.
U la ong ba katkum ka jinglap jong ka seng ha kaba ïadei bad ki Gram Dak Sevak ne ki postman kiba trei ha ki thaiñ nongkyndong jong ka jylla Meghalaya, kim shym la lah ban kren ne ïakren bad ki nongshong shnong namar ba kim don jingtip eiei ïa ki ktien shnong jong ngi. Ka jingeh jong ka jingiakren ka la wanrah ia ki jingeh bad jingbym iasngewthuh jingmut, ka jingpynslem bad ka jingtreikam kaba thut.
U bah Pangniang u la iathuh ruh ba dang shen ka seng ka la iakynduh ia u Post Master ba rangbah ban pan jingshai nyngkong eh halor kane ka kam. Ka ophis ba dei peit ka la batai bad kdew ba ka mat ban thungkam ia ki Gram Dak Sevak trai ri ka shong ha ka sorkar pdeng, hynrei u la ban jur ruh ba ia kane ka jingeh lah ban weng tang da ka sorkar jylla.
 bad kumjuh ruh ha baroh ki ophis jong ka sorkar pdeng” ong u president ka HSPDP u KP Pangniang ha ka dorkhas ba la ai sha u Conrad ha ka jingiakynduh hynne ka sngi.){kind=link}