Shillong, Jymmang 11: Ka seng Hynniewtrep Integrated Territorial Organization (HITO) hynne ka sngi kala leit ban aiti da ka dorkhas sha u Symbud Myntri Rangbah ka jylla bah Sniawbhalang Dhar kaba kyntu iaka sorkar ban shna da ka aiñ lane daka Polisi naka bynta ki samla pule kiba wan naki longing baduk khnang ba kin lah ban bteng iaka jingpule jong ki.
Haba kren sha ki lad pathai khubor u president ka HITO u bah Donbok Dkhar ula ong ba hadien ka jingpynbna Result ka MBOSE, ka seng kala lap ba ki don katto katne ngut ki samla pule ki bym lah shuh ban bteng iaka jingpule namar ba ki kmie ki kpa kim lah shuh ban kyrshan iaki.
U bah Donbok ula ong ka seng kala shim iaka jingkitkhlieh ban dawa naka sorkar jylla ba kan thaw daka Policy lane daka Education Scholarship bad ban bsuh ia kane haka State Education Policy ban kner jingiarap shaki khynnah kiba wan na ki longing kiba duna ha ka ïoh ka kot ba kin lah ban phah skul biang iala ki khun.
“Daka ba don daka Education Scholarship, ka sorkar jylla ka lah ban iarap iaki samla pule kiba wan naka longing ba duk ban bteng biang iaki jingpule khnang ba kin lah ban shakri iaka jylla hadien ha bud” la ong u bah Donbok.
U bah Donbok ula ong ba naka liang ka seng ka la kyrpad ban rah ia kane ka mat sha ka kynhun myntri bad ban pynsngew ïa kane sha u Myntri Rangbah ka jylla, u Conrad K Sangma.
Ula ong ruh ba ha haka dorkhas, ka seng kala pynsngew ruh ba donkam ban tei ki ja ka kyrpang lane ki Hostel naka bynta ki khynnah kiba wan na ki jaka nongkyndong kiba jngai na sor bad kiba duna haka ioh ka kot ban siew iaka bai sah haki jaka sah ba pyniaid daki riew shimet.
Pule lang ia kane: Poi hospital bun ngut ki briew ba bam ia ka Dohkha ba long bih ha Ri-lum Garo
