Dawa ka HITO ban pynjynsur ia ka rta thungkam Pulit ha Jylla

0
43
Dawa ka HITO ban pyndep noh ia ki jingei ba bun ka Health Deptt ha Ri-Bhoi khamtam ka MCH Hospital

Shillong, Iaiong 22: Ka Hynniewtrep Integrated Territorial Organization (HITO) kala kyntu ia kaSsorkar Jylla ba ka dei ban pynjynsur ia ka rta ha kaba iadei bad ka jingthep kam pulit ha ka jylla.

Ha ka shithi kaba la phah sha u Myntri Rangbah ka jylla u Conrad K Sangma hynne ka sngi Nyngong, u President ka HITO u Bah Donbok Dkhar ula ong, “Ngi phah ia kane ka jingthoh ban kyntu ia phi ban sngewbha ban pdiang ha kaba iadei bad ka mat na ka bynta ban pynjynsur ia ka rta ha ka jingthepkam pulit ha ka jylla. Ka jingpynrungkam bad ka jingpplai lyngba ka Online na ka bynta ki kam kiba lait ha ki kyrdan ki bapher ha ka Police bad Fire Department ka dang iaid shakhmat kumta ngi kynti ia phi ba don lem ia ka jingsngew ha kaba iadei bad ka jingpynjynsur ia ka rta”.

Ula kyntu ruh ia ka sorkar jylla ban don lem ia ka jingsngew na ka bynta kito kiba don ia ka jingthrang ban thep kam kiba la heh ha ka rta namar ka jingwan ka khlam COVID-19 bad kane kala ktah jur iaka imlang sahlang bad iaka jingim kaba man la ka sngi jong ki paidbah.

“Kiba bun ki samla ki don ia ka jingthrang ban shakri ia ka jylla lyngba ka tnad pulit bad kin long kum kita ki nongkamai ha ka iing ka sem, kiba iakhin iaka jingeh na ka jingbym iohkam iohjam namar ka rta ka jongki. Da ka jingpdiang sngewbha ka jong phi halor kane ka jingeh, kan long ka jingiarap na ka bynta kito kiba wadkam wadjam bad ki paidbah hi ruh kin da sngewnguh shi katdei ia phi bad ia ka sorkar” la ong u Bah Donbok Dkhar ha ka shithi.