Shillong, Nailar 21: Ka Garo Students’ Union (GSU) Williamnagar Unit hynne ka sngi Nyngkong, kala thoh sha u Myntri Rangbah ka jylla Conrad K Sangma bad dawa ban buh noh daka Examination Centre ha East Garo Hills district naka bynta ban pynsuk iaki samla kiba mut thoh iaki eksamin thep kam.
Kat kum ka shithi, ka GSU kala kam ba ki samla wad kam ka East Garo Hills ki shem jingeh namar ki donkam ban leit shaduh Tura lane Shillong ban thoh iaka eksamin MPSC lane ban leit interview thep kam.
Naka liang u East Zone president ka GSU u Saljrang T.R. Marak ula iathuh baka seng kala aiti daka dorkhas sha baroh ki nongialam shnong ka East Garo Hills district halor ka jingdonkam ban don noh daka MPSC Cell ha Williamnagar namar ka East Garo Hills kala dap mynta 28 snem hynrei kam pat don satia ka MPSC Cell.
Ka GSU kala ban ruh iaka jingdonkam ban kyntiew iaka pule puthi naduh ka kyrdan Elementary School daka ba wanrah noh iaka District Institutes of Education and Training (DIET) khamkloi hapoh ka District.
Pule ruh:Â Plie u CM ia ka Williamnagar Municipal cum Market Complex
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
