Shillong, Risaw 15: Ka Federation of Khasi Jaintia & Garo People (FKJGP) ha ka sngi Nyngkong, kala dawa ia ka Meghalaya State Pollution Control Board (MSPCB) ba kan sangeh ha kaban pynlong ia ka public hearing na ka bynta ban seng ia ka karkhana dewbilat M/s Meghatop Cement Pvt Ltd ha Wahiajer Narpuh, East Jaintia Hills.
Ha ka shithi sha u Member Secretary ka MSPCB, U President ka FKJGP East Jaintia Hills Deihok Sumer ula ong ba ka seng ka pyrshah jur ban pynlong ia ka public hearing ha ka 18 tarik u Risaw.
“Ngi pyrshah jur ban pyntreikam ia ka karkhana dewbilat ba thymmai kaba pynmih haduh 3.3 MTPA clinker, 2.8 MTPA ka dewbilat bad 16 MW ka jakhlia ha Wahiajer Narpuh, East Jaintia Hills halor kine ki mat harum- ka jingpyntrei ia ka kharkhana dewbilat ba thymmai kan ktah ia ka mariang namar la don bun lypa ki karkhana dewbilat hapoh ka District” ula ong.
Ula ong ba ka karkhana dewbilat kala ktah lypa ia ki tyllong umbam, ki wah bad ki dohkha dohpnat ha ki wah jong ak thain, namar ka jingpyntuid jakhlia jong ki karkhana. Ula ong ba ki paidbah kila mad jingeh bha namar ka jingkyrduh um.
Une u Nongialam ka FKJGP ula ong ba ki paidbah kila dep mad ia ka jingjakhlia ka lyer bad ka pui pui ba ki ring mynsiem bad mad ruh ia ka jingshit kyr-ang ha kine ki khyndiat snem namar ka jingdon jong ki karkhana bapher bapher ha ka thain.
Ula ong ba ka MSPCB ka dei ban mynjur ha kaban pynsangeh noh ia ka public hearing ha Wahiajer Narpuh.
 ha ka sngi Nyngkong, kala dawa ia ka Meghalaya State Pollution Control Board (MSPCB) ba kan sangeh ha kaban pynlong ia ka public hearing na ka bynta ban seng ia ka karkhana dewbilat M/s Meghatop Cement Pvt Ltd ha Wahiajer Narpuh, East Jaintia Hills.){kind=link}