Shillong, Jylliew 18 : Ka Federation of Khasi Jaintia and Garo People (FKJGP) kala dawa ban seng ia ka Rural Self Employment Training Institutes (RSETIs) ha East Jaintia Hills District.
Ha ka shithi bala phah sha ka State Level Bankers Committee (SLBC) ha ka sngi Ba-ar, u President ka FKJGP-EJH Bah Deihok Sumer ula ong “Khang ban iakhun ia ka jingbym iohkam jong ki samla ka District jong ngi, la kyrpad jur ia ka Ophis jong phi ban seng ia ka RSETI ha ka District jong ngi ka ban iarap ia ki”.
“Da ka jingseng ia kane ka Training Institite hapoh ka District jong ngi, kan kyntiew ia ka jingthungkam ia ki samla ha ki Institution bapher bapher, ban pynlong ruh wat ia ki samla ban sdang iala ka jong ka kam kat kum ka sap treikam ba ki ioh na ki jinghikai ha kane ka Institute”.
Ula bynrap ruh ba ki samla kiba don ia ka sap kaba kham tbit bad kham biang ha ki jinghikai ba ki ioh hapoh ka Institute, ki lah ban ioh ia ka jingshaniah halade bad ban pynshlur ia ki ba kin long ki nongsengkam bad sdang iala ka jong ka kam ka jam.
 ha ka sngi Ba-ar, u President ka FKJGP-EJH Bah Deihok Sumer ula ong “Khang ban iakhun ia ka jingbym iohkam jong ki samla ka District jong ngi, la kyrpad jur ia ka Ophis jong phi ban seng ia ka RSETI ha ka District jong ngi ka ban iarap ia ki”){kind=link}